قطعات

ہر ایک شب کو تیرے نام ہونا پڑتا ہے
اداس دل کو سرشام ہونا پڑتا ہے

خبیث تہمتیں دامن کو چیر جاتی ہیں
تمہارے واسطے بدنام ہونا پڑتا ہے

 

سانس رُک رُک کےآرَہی ہےمَیری
کُچھ نہ کُچھ بات ہَـــونےوالـــی ہے
یابَہُت دُورجـــاچُــــکاہےکَـــوئی
یامُـــــلاقات ہَـــــونےوالـــــی​

 

ہاتھ پہ ہاتھ دھرے بیٹھے ہیں ، فرصت کتنی ہے
پھر بھی تیرے دیوانوں کی شہرت کتنی ہے !

سورج گھر سے نکل چکا تھا کرنیں تیز کیے
شبنم گل سے پوچھ رہی تھی " مہلت کتنی ہے "
۔۔۔۔

 

سب میرے بغیر مطمئن ہیں
میں سب کے بغیر جی رہا ہوں

کیا ہے جو بدل گئی ہے دنیا
میں بھی تو بہت بدل گیا ہوں​

 

ہاتھ اٹھائے ہیں مگر لب پہ دعا کوئی نہیں
کی عبادت بھی تو وہ ، جسکی جزا کوئی نہیں

آ کہ اب تسلیم کر لیں تو نہیں تو میں سہی
کون مانے گا کہ ہم میں بے وفا کوئی نہیں

 

آپ کی تلخ نوائی کی ضرورت ہی نہیں
میں تو ہر وقت ہی مایوسِ کرم رہتا ہوں
آپ سے مجھ کو ہے اک نسبتِ احساسِ لطیف
لوگ کہتے ہیں ، مگر میں تو نہیں کہتا ہوں

جوں ایلیا ​

 

وہ شخص میری نگاہوں کا خواب ہوتا گیا‌‌
جہاں کا میری وہ آخر نصاب ہوتا گیا
وہ جس کو ناز بہت تھا جواب پر اپنے
میرے سوال پہ وہ لاجواب ہوتا گیا

 

اس زمانے کے فریبوں سے بچا کوئی نہ تھا
منزلیں تھیں سامنے پر راستہ کوئی نہ تھا

زندگی میں جو ملے اچھے لگے ‘ اپنے لگے
میں تو سب کا ہو گیا لیکن میرا کوئی نہ تھا
​

 

اوجھل سہی نگاہ سے ، ڈوبا نہیں ہوں میں
اے رات خبردار کہ ہارا نہیں ہوں میں
ممکن نہیں ہے مجھ سے ، یہ طرز منافقت
اے دنیا ، تیرے مزاج کا بندہ نہیں ہوں میں

 

سبھی تھے اپنے جو بیٹھے تھے گھیر کر مجھ کو
کوئی نہ ساتھ ہوا اٹھ کے جب چلا تنہا

جنونِ راز کی شدت تھی دیکھنے جیسی
وہ ایک آئینہ لے کر بہت ہنسا تنہا
​

 

جب بھی دیکھا میرے کردار پہ دھبہ کوئی
دیر تک بیٹھ کے تنہائی میں رویا کوئی

لوگ ماضی کا بھی اندازہ لگا لیتے ہیں
مجھ کو تو یاد نہیں کل کا بھی قصہ کوئی

 

چراغ اپنی تھکن کی کوئی صفائی نہ دے
وہ تیرگی ہے کہ اب خواب تک دکھائی نہ دے

بہت ستاتے ہیں رشتے جو ٹوٹ جاتے ہیں
خدا کسی کو بھی توفیق ِآشنائی نہ دے​

 

یوں تیری رہگزر سے دیوانہ وار گزرے
کاندھے پہ اپنے رکھ کے اپنا مزار گزرے

بیٹھے ہیں راستے میں دل کا کھنڈر سجا کر
شاید اسی طرف سے ایک دن بہار گزرے

 

اس ضبطِ محبت نے آخر یہ حال کیا دیوانے کا
ہر آہ میں صورت شیون کی، ہر اشک میں رنگ افسانے کا

وہ سحر تھا چشمِ ساقی میں یا مے خواروں کا جذبِ دروں
ہر چند بھرے ہیں جام و سبو، وہ رنگ نہیں مے خانے کا

.​

 

خود بھ خود چھوڑ گئے ہیں تو چلو ٹھیک ہوا
اتنے احباب کہاں ہم سے سنبھالے جا تے

ہم بھی غالب کی طرح کوچہ جاناں سے محسن
نہ نکلتے تو کسی روز نکالے جاتے

 

تو جسے ڈھونڈ رہا ہے وہ تیرے اندر ہے
خود سے ملوانے تجھے کون بھلا لے جائے

آندھیاں تو نہ ہلا پائیں تجھے راز مگر
اب اُڑا کر نہ کہیں بادِ صبا لے جائے
​

 

تیرے ہونٹوں پہ تبسم کی وہ ہلکی سی لکیر
میرے تخیل میں رہ رہ کے جھلک اٹھتی ہے
یوں اچانک تیرے عارض کا خیال آتا ہے
جیسے ظلمت میں کوئی شمع بھڑک اٹھتی ہے

 

خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا

دل لے کے مفت کہتے ہیں کہ کام کا نہیں
الٹی شکایتیں ہوئیں ، احسان تو گیا

 

بہتی ہوئی آنکھوں کی روانی میں مرے ہیں
کچھ خواب میرے عین جوانی میں مرے ہیں
روتا ہو ں میں ان لفظوں کی قبروں پہ کئی بار
جو لفظ میری شعلہ بیانی میں مرے ہیں​

 

اب تو اس راہ سے وہ شخص گزرتا بھی نہیں
اب کس امید پہ دروازے سے جھانکے کوئی
کوئی آہٹ ، کوئی آواز ، کوئی چاپ نہیں
دل کی گلیاں بڑی سنسان ہیں ، آئے کوئی

 

نہ پانا تجھے ارمان نہ کھونا میرا حوصلہ
پہلے ہی کہیں ہوچکا مقدر کا فیصلہ
وہی پرانی رسم و روایت کا بدلا مرحلہ
دشت غیر لیے دیار غیر میرا گھونسلہ

 

ایسا نہیں کہ ہم کو محبت نہیں ملی
ہم جیسی چاہتے تھے وہ قربت نہیں ملی

ملنے کو زندگی میں کئی ہمسفر ملے
لیکن طبیعتوں سے طبیعت نہیں ملی

 

یاد میں تیری جہاں کو بھولتا جاتا ہوں میں
بھولنے والے ، کبھی تجھ کو بھی یاد آتا ہوں میں
ایک دھندلا سا تصور ہے کہ دل بھی تھا یہاں
اب تو سینے میں فقط ایک ٹیس سی پاتا ہوں میں

 

دل گرفتہ ہی سہی بزم سجالی جائے
یاد جاناں سے کوئی شام نہ خالی جائے
رفتہ رفتہ یہی زنداں میں بدل جاتے ہیں
اب کسی شہر کی بنیاد نہ ڈالی جائے

 

رﮨﺒﺮﻭﮞ ﮐﮯ ﺩﻡ ﺳﮯ ﺍﺏ ﺭﺍﮨﻮﮞ ﻣﯿﮟ ﺍﺗﻨﯽ ﺑﮭﯿﮍ ﮨﮯ
ﺳﻮﭼﺘﮯ ﮨﯿﮟ ﺍﭘﻨﮯ ﮔﮭﺮ ﮐﺎ ﺭﺍﺳﺘﮧ ﮐﯿﻮﮞ ﮐﺮ ﻣﻠﮯ

ﮐﺮ ﭼﮑﮯ ﮨﯿﮟ ﺧﺘﻢ ﮨﻢ ﺑﮩﺮﻭﭘﯿﻮﮞ ﺳﮯ ﻣﯿﻞ ﺟﻮﻝ
ﺟﺲ ﮐﻮ ﻣﻠﻨﺎ ﮨﮯ ﻭﮦ ﺍﺻﻠﯽ ﺭﻭﭖ ﻣﯿﮟ ﺁﮐﺮ ﻣﻠﮯ

‏.

 

اگرچہ میں ایک چٹان سا آدمی رہا ہوں
مگر تیرے بعد حوصلہ ہے کہ جی رہا ہوں
وہ ریزہ ریزہ میرے بدن میں اتر رہا ہے
میں قطرہ قطرہ اسی کی آنکھ کو پی رہا ہوں

 

بہت اچھا سلسلہ ہے

 

بشر کی سر بلندی میں بھی کوئی راز ہوتا ہے
جو سر دے دے سرِ میداں وہ سرفراز ہوتا ہے
جہاں پہ ختم ہوتی ہے حدودِ عقلِ انسانی
وہاں سے شانِ محمدﷺ کا آغاز ہوتا ہے

 

گزرتے وقت کے ساتھ داستان بنتے رہے
عمر بھر ہی زندگی کا امتحان بنتے رہے
ہم وہ ہیں جنہیں راس آگئیں مسافتیں
منزل پا کر بھی گردش دوران بنتے رہے

 

منزل سے آگے بڑھ کر منزل تلاش کر
مل جائے تجھکو دریا تو سمندر تلاش کر
ہر شیشہ ٹوٹ جاتا ہے پتھر کی چوٹ سے
پتھر ہی ٹوٹ جائے وہ شیشہ تلاش کر