قریۂ عِشقِ عَلی میں آ گئے ۔ بلال رشید

1. شُکرِ مولا روشنی میں آ گئے
   قریۂ عِشقِ عَلی میں آ گئے
   دیکھ کر شہرِ عَلی کو رُوبرو
   جانے کیوں ہم بے خودی میں آ گئے
   ہم پیمبر کی رضا کی واسطے
   مُرتضٰی کی بندگی میں آ گئے
   جُھوم کر سارے عُشاقِ مصطفٰی
   شاہِ خیبر کی گَلی میں آ گَئے
   مجھ سے عاصی عِشقِ حیدر کے سَبب
   روزِ محشر آشتی میں آ گئے
   جو خیالاتِ وِلا تھے مِیر کے
   سَب وہ میری شاعری میں آ گئے
   پہنچ کر شہرِ نجف ایسا لگا
   ہَم دَیارِ آگہی میں آ گئے
   لَوٹ کر ارضِ وَطن کہتا ہے دِل
   آج پِھر ہم تِیرگی میں آ گئے
   اے بِلال آلِ عَبا کے فیض سے
   ہم غُلامانِ علی میں آ گئے​

بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین