فیض احمد فیض کی شاعری

شامِ فراق اب نہ پوچھ، آئی اور آ کے ٹل گئی

شامِ فراق اب نہ پوچھ، آئی اور آ کے ٹل گئی
دل تھا کہ پھر بہل گیا، جاں‌تھی کہ پھر سنبھل گئی

بزم خیال میں تیرے حُسن کی شمع جل گئی
درد کا چاند بجھ گیا، ہجر کی رات ڈھل گئی

جب تجھے یاد کر لیا، صبح مہک مہک اُٹھی
جب تیرا غم جگا لیا، رات مچل مچل گئی

دل سے تو ہر معاملہ کر کے چلے تھے صاف ہم
کہنے میں انکے سامنے، بات بدل بدل گئی

آخری شب کے ہمسفر فیض نہ جانے کیا ہوئی
رہ گئی کس جگہ صبا، صبح کدھر نکل گئی​

 

بہت اچھے اشعارہیں۔ یہ دونوں اشعار تو خاص طور پر بہت پسند آئے۔

 

شکریہ زاہرا صاحبہ

 

اب کہ یوں دل کو سزا دی ہم نے

اب کہ یوں دل کو سزا دی ہم نے
اس کی ہر بات بھلا دی ہم نے

ایک، ایک پھول بہت یاد آیا
شاخِ گل جب وہ جلا دی ہم نے

آج تک جس پہ وہ شرماتے ہیں
بات وہ کب کی بھلا دی ہم نے

شہرِ جہاں راکھ سے آباد ہوا
آگ جب دل کی بجھا دی ہم نے

آج پھر یاد بہت آیا وہ
آج پھر اس کو دعا دی ہم نے

کوئی تو بات ہے اس میں فیض
ہر خوشی جس پہ لٹا دی ہم نے​

 

بہت پیاری غزل ہے
اخری دو شعر تو بہت ہی پسند آے

 

شکریہ لاحاصل صاحبہ ۔۔۔شکریہ مریم سیف صاحبہ

 

اس نے کہا آؤ۔۔۔
اس نے کہا ٹہرو۔۔۔
مسکاؤ کہا اس نے۔۔۔۔
مر جاؤ کہا اس نے۔۔۔۔
میں آیا۔۔۔
میں ٹہرا۔۔۔۔
مسکایا۔۔۔۔۔
اور مر بھی گیا۔۔۔۔​

 

دل میں اب یوں ترے بھولے ہوئے غم آتے ہیں
جیسے بچھڑے ہوئے کعبے میں صنم آتے ہیں

ایک اک کرکے ہوئے جاتے ہیں تارے روشن
میری منزل کی طرف تیرے قدم آتے ہیں

رقصِ مے تیز کرو ، ساز کی لے تیز کرو
سوئے مے خانہ سفیرانِ حرم آتے ہیں

کچھ ہمیں کو نہیں احسان اُٹھانے کا دماغ
وہ تو جب آتے ہیں ، مائل بہ کرم آتے ہیں

اور کچھ دیر نہ گزرے شبِ فرقت سے کہو
دل بھی کم دُکھتا ہے، وہ یاد بھی کم آتے ہیں

فیض​

 

فیض کا بہت خوب کلام ہے۔ :a180:

 

کمال

واہ بابا سائیں واہ کمال کا شعر ذکرکیا

 

پسندیدگی کا شکریہ مریم جی۔

 

تنہائی

پھر کوئی آیا دلِ زار! نہیں کوئی نہیں
راہرو ہوگا، کہیں اور چلا جائے گا

ڈھل چکی رات، بکھرنے لگا تاروں کا غبار
لڑکھڑانے لگے ایوانوں میں خوابیدہ چراغ

سوگئی راستہ تک تک کے ہر اک راہگزار
اجنبی خاک نے دھندلا دیے قدموں کے سراغ
گل کرو شمعیں، بڑھا دو مے و مینا و ایاغ

اپنے بے خواب کواڑوں کو مقفل کر لو
اب یہاں کوئی نہیں، کوئی نہیں آئے گا​

 

واہ واہ بہت خوب جی

 

ہمت التجا نہیں‌ باقی
ضبط کا حوصلہ نہیں‌باقی

اک تری دید چھن گئی مجھ سے
ورنہ دنیا میں کیا نہیں‌باقی

اپنی مشق ستم سے ہاتھ نہ کھینچ
میں‌ نہیں‌ یا وفا نہیں ‌باقی

تیری چشمِ الم نواز کی خیر
دل میں کوئی گلہ نہیں‌ باقی

ہوچکا ختم عہد ہجر و وصال
زندگی میں مزا نہیں‌ باقی​

 

بہت خوب ساگراج صاحب

تیری چشمِ الم نواز کی خیر
دل میں کوئی گلہ نہیں‌ باقی

بہت ہی زبردست۔۔۔

 

نہ اب رقیب نہ ناصح نہ غم گسار کوئی
تم آشنا تھے تو تھیں آشنائیاں کیا کیا

جدا تھے ہم تو میسر تھیں قربتیں کتنی
بہم ہوئے تو پڑی ہیں جدائیاں کیا کیا

پہنچ کے در پر ترے کتنے معتبر ٹھہرے
اگرچہ رہ میں ہوئیں جگ ہنسائیاں کیا کیا

ہم ایسے سادہ دلوں کی نیاز مندی سے
بتوں نے کی ہیں جہاں میں‌ خدائیاں‌ کیا کیا

ستم پہ خوش کبھی لطف و کرم سے رنجیدہ
سکھائیں‌ تم نے ہمیں کج ادائیاں کیا کیا

 

یہ غزل میرے ایک پردیسی دوست کے نام۔ وہ اس بزم کا ممبر تو نہیں ہے لیکن مجھے بہت پیارا ہے۔


نہیں نگاہ میں منزل تو جستجو ہی سہی
نہیں وصال میسر تو آرزو ہی سہی

نہ تن میں‌ خون فراہم نہ اشک آنکھوں میں
نماز شوق تو واجب ہے بے وضو ہی سہی

کسی طرح تو جمے بزم میکدے والو
نہیں جو بادہء و ساغر تو ہاو ہو ہی سہی

گر انتظار کٹھن ہے تو جب تلک اے دل
کسی کے وعدہء فردا کی گفتگو ہی سہی

دیار غیر میں محرم اگر نہیں کوئی
تو فیض ذکر وطن اپنے روبرو ہی سہی

 

نہ تن میں‌ خون فراہم نہ اشک آنکھوں میں
نماز شوق تو واجب ہے بے وضو ہی سہی

سبحان اللہ، کیا کہنے ہیں۔

 

ہم دیکھیں گے
لازم ہے کہ ہم بھی دیکھیں گے
ہم دیکھیں گے

وہ دن کہ جس کا وعدہ ہے
جو لوحِ ازل پہ لکھا ہے
جب ظلم و ستم کے کوہِ گراں
روئی کی طرح اڑ جائیں گے
ہم محکوموں کے پاؤں تلے
جب دھرتی دھڑ دھڑ ڈھڑکے گی
اور اہلِ حکم کے سر اوپر
جب بجلی کڑ کڑ کڑکے گی

ہم دیکھیں گے

جب ارضِ خدا کے کعبے سے
سب بت اٹھوائے جائیں گے
ہم اہلِ صفا، مردودِ حرم
مسند پہ بٹھائے جائیں گے
سب تاج اچھالے جائیں گے
سب تخت گرائے جائیں گے

ہم دیکھیں گے

بس نام رہے گا اللہ کا
جو غائب بھی ہے حاضر بھی
جو منظر بھی ہے ناطر بھی
جو میں بھی ہوں اور تم بھی ہو

لازم ہے کہ ہم بھی دیکھیں گے
ہم دیکھیں گے


فیض

 

بہت خوب بہت زبردست انتخابات ہیں یہاں اوپر۔۔۔ایکسلینٹ۔۔

 

راز الفت چھپا کے دیکھ لیا
دل بہت کچھ جلا کے دیکھ لیا

اور کیا دیکھنے کو باقی ہے
آپ سے دل لگا کے دیکھ لیا

وہ مرے ہوکے بھی مرے نہ ہوئے
ان کو اپنا بنا کے دیکھ لیا

آج ان کی نظر میں کچھ ہم نے
سب کی نظریں بچا کے دیکھ لیا

فیض تکمیل غم بھی ہو نہ سکی
عشق کو آزما کے دیکھ لیا

 

واہ، زبردست ترکیب ہے شعر کی۔ ساگراج بھائی، اتنے عمدہ اور متنوع کلام پوسٹ کرنے کا بہت شکریہ۔

 

میری پسندیدہ ترین غزلوں میں سے ایک ہے۔ آج پرانی ڈائری کے صفحات دیکھے تو نظر آئی ہے۔


[center:24mmbuhn]کب تک دل کی خیر منائیں، کب تک راہ دکھلاؤ گے
کب تک چین کی مہلت دو گے، کب تک یاد نہ آؤ گے

بیتا دید امید کا موسم، خاک اڑتی ہے آنکھوں میں
کب بھیجو گے درد کا بادل، کب برکھا برساؤ گے

عہد وفا اور ترکِ محبت، جو چاہو سو آپ کرو
اپنے بس کی بات ہی کیا ہے، ہم سے کیا منواؤ گے

کس نے وصل کا سورج دیکھا، کس پر ہجر کی رات ڈھلی
گیسوؤں والے کون تھے، کیا تھے، ان کو کیا جتلاؤ گے

فیض دلوں کے بھاگ میں ہے گر بسنا بھی لٹ جانا بھی
تم اس حسن کے لطف و کرم پر کتنے دن اتراؤ گے[/center:24mmbuhn]

 

بہت خوب ساگراج جی۔ کیا کہنے آپکے انتخابِ کلام ہے۔
فیض از گریٹ !