فیصل سادات کی ذاتی شاعری

محبوب بھائی کا مشورہ سولہ آنے درست ہے کیونکہ شاعری کے لئے پرسوز دل، زرخیز خیالات اور احساس کے تاروں کا متحرک ہونا بہت ضروری ہیں۔ آپ کے پاس تمام اسباب موجود ہیں مگر ضرورت ہے انھیں ترتیب دینے کی۔ اگر کوئی شفیق استاد کی توجہ حاصل ہوجائے تو آپ اپنے اشعار نہایت فخر سے بیان کرسکیں گے۔

آپ کے خوش ذوق کے لئے مبارک باد دیتا ہوں۔

خوش رہیے۔۔

 

فیصل بھائی یوں لگتا ہے کہ لڑی میں کچھ گڑبڑ ہے۔ شاید شروع کے پیغام آپ کی پسند پر مشتمل ہیں (عبدالحمید عدم اور استاد قمر جلالوی وغیرہ کے اشعار ہیں) اور بعد کے آپ کے اپنے کلام پر۔

 

السلام علیکم۔
تمام ساتھیوں کا رائے دینے کا شکریہ۔ عرض یہ ہے کہ میں ایک گورنمنٹ ملازم ہوں اور ساتھ میں اپنی تعلیمی قابلیت بڑھانے کے لیے آگے بھی پڑھ رہا ہوں، اس تناظر میں میرے پاس وقت بہت محدود ہوتا ہے۔ شاعری میرا پارٹ ٹائم شوق کہہ لیں، آٹھویں کلاس سے شروع کی، گریجویشن کے دوران بھی جاری رہی لیکن پھر ملازمت کے ساتھ آہستہ آہستہ شاعری کی طرف دھیان نہیں رہا۔ اب سال دو سال میں کوئی ایک آدھ غزل لکھ پاتا ہوں۔ مزید یہ کہ میرے گردونواح میں شاعری کو سننے اور پسند کرنے والوں کا ہی بہت فقدان ہے، استاد آج کل بہت ناپید ہیں، میرے بدقسمتی کہیے۔ عمر کے اس دور میں نہ میرے پاس کوئی استاد موجود ہے جس سے شاعری کی اصلاح کروں اور نہ ہی وقت کہ کسی کو تلاش کروں۔ یہاں شیر کرنے کا ایک مقصد یہ بھی ہے کہ آپ بھائی میری اصلاح کر دیا کریں۔
این آر بی بھیا، بات یہ ہے کہ یہ لڑی میں نے اپنی پسند کے طور پر شروع کی تھی، بعد میں اپنی شاعری پوسٹ کرنا شروع کی، لڑی کا نام تبدیل کروایا، پہلے پیغامات ڈیلیٹ کروانے کی کوشش میں میری ساری لڑی ڈیلیٹ ہوگئی۔ پرانے ساتھیوں کو پتہ ہے اس میں میرے کافی غزلیں تھیں، کل 6 صفحات تھے، یہ ان کا چوتھائی حصہ بھی نہیں ہیں۔ اس کے بعد سے ہی شاعری پوسٹ کرنے سے دل اچاٹ ہوا ہے۔
دعاؤں کا طالب۔
فیصل سادات

 

مزید شاعری کا انتظار رہے گا۔

 

غوری بھائی۔ پسندیدگی کا شکریہ۔ جب کوئی نیا کلام لکھا تو ضرور شئیر کروں گا انشاءااللہ۔