فلک زمیں یہ ستارے، حضور کا صدقہ ۔ نیا نعتیہ کلام

اللھم صل علی سیدنا ومولانا محمد وعلیٰ آلہ وصحبہ وبارک وسلم

زمیں، فلک یہ ستارے حضور کا صدقہ
جہاں میں رنگ ہیں سارے حضورکا صدقہ

یہ مُدعائے "لَولاَ کَ لَمَا " سمجھ آیا
ہیں خَلق کےیہ نظارے حضورکاصدقہ​

یہ آبشاریں، یہ ساغر، یہ گلشن و صحرا
عمیق بحر، کنارے ، حضور کا صدقہ

بہائےاشک کےدریا مگر معاف ہوئے
ابوالبشر جو پکارے حضور کا صدقہ​

میں راندہء دوجہاں جب بنا گدائےنبی
ہوئےہیں وارے نیارے حضورکاصدقہ

میں ہوں سوارِ سفینہء اہلِ بیتِ رسول
لگوں گا پار کنارے، حضور کا صدقہ​

بروزِ حشر گنہ گار پا گئے بخشش
شفاعتوں کے سہارے، حضورکاصدقہ

جو زیرِ سایہء موئے نبی ہو وہ خالد
کسی میدان نہ ہارے، حضور کا صدقہ​

یہ جسم و جان رضا ہیں فدائے دینِ نبی
ہیں جسم و جان ہمارے حضور کا صدقہ

ہدیہ کلام: محمد نعیم رضا قادری۔ جمعہ 26اگست 2016

 

آمین پیارے بھائی ۔ جزاک اللہ خیر

 

آمین پیارے بھائی۔ اللہ کریم آپکو بھی جزائے خیر دے

 

بہت پیارا کلام ۔۔۔۔۔۔۔۔ جزاک اللہ

 

بہت شکریہ محترم برادر ۔ جزاک اللہ خیر۔

 

سبحان اللہ خوبصورت کلام ۔ جزاک اللہ