غزل - سوچو تو اس کو سوچو، لکھو تو اس کو لکھو

شاہین فصیحؔ ربانی​

غزل

سوچو تو اس کو سوچو، لکھو تو اس کو لکھو
تازہ غزل فصیحؔ اب، جو ہو تو اس کو لکھو

تنہائی کاٹتی ہے، مانو تو اس کو لکھو
ہوتا ہے درد دل میں، اوہو تو اس کو لکھو

شاید وہ آ ہی جائے پھر دل پہ ہاتھ رکھنے
تنہائیوں میں اپنی تڑپو تو اس کو لکھو

لفظوں کے جسم سے وہ خوشبو تو پا ہی لے گا
جب پھول کوئی تازہ سونگھو تو اس کو لکھو

اس کی گلی میں اس کی خوشبو اُڑی ہوئی ہے
اس کی گلی سے جب تم گزرو تو اس کو لکھو

اس پر یہ فرض ہو گا، آ کر تمہیں سمیٹے
ہو کر جو کرچیاں تم بکھرو تو اس کو لکھو

اس کو نہیں لکھو گے، کیسے اسے ملو گے
اس سے فصیح ملنا چاہو تو اس کو لکھو​

 

جواب: غزل - سوچو تو اس کو سوچو، لکھو تو اس کو لکھو

کچھ تو لکھیے کہ مجھے پتا چل سکے کہ میں نے کیسا لکھا ہے؟

 

جواب: غزل - سوچو تو اس کو سوچو، لکھو تو اس کو لکھو

اسی کو سوچیں جو سوچوں کے محور میں اترے
اسی کو دیکھیں جو آنکھ کے سمندر میں اترے

خوب جی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

جواب: غزل - سوچو تو اس کو سوچو، لکھو تو اس کو لکھو

آپ کا بہت شکریہ طاہر صاحب،
اور اچھا شعر عنایت کیا ہے آپ نے،
بہت خوش رہیے۔