غالب کے اشعار

بنا ہے شاہ کا مصاحب پھرے ہے اتراتا وگرنہ شہر میں غالب کی آبرو کیا ہے۔

 

تم جو ہر بات پہ کہتے ہو کہ تُو کیا ہے ؟
ذرا بتاؤ تو یہ اندازِ گفتگو کیا ہے ۔۔؟

مرزا غالب زندہ باد۔

 

صرف مقطع اور مطلع ہی دینا تھا ؟ باقی غزل کیا حضرت غالب خود آ کے کہیں گے؟

 

پوری نظم درج کرنے شکریہ

پوری نظم درج کرنے شکریہ :a180:بندہ آپ کی خدمت میں آداب عرض کرتا ہے
فقط عرفان

 

غزل پوری نہیں

بعد میں احساس ہوا کہ غزل پوری نہیں ہے ۔ براہ مہربانی پوری غزل درج کیجیئے :mashallah:

 

باقی اشعار

رگوں میں دوڑتے پھرنے کے ہم نہیں قائل
جو آنکھ ہی سے نہ ٹپکے وہ لہو کیا ہے۔

غالب کی کسی اور غزل کا شعر
حد چاہیئے سزا میں تعدی کے واسطے
آخر کو گناہگار ہوں کافر نہیں ہوں میں

 

چھٹی نہیں ہے منہ سے یہ کافر لگی ہوئی

چھٹی نہیں ہے منہ سے یہ کافر لگی ہوئی

 

Re: چھٹی نہیں ہے منہ سے یہ کافر لگی ہوئی

یہ مصرع سودا کا ہے ۔ غالب کا نہیں۔

 

معذرت

معذرت

 

Re: معذرت

قبول فرمائی جاتی ہے :113:

 

Re: چھٹی نہیں ہے منہ سے یہ کافر لگی ہوئی

یہ مصرع سودا کا ہے ۔ غالب کا نہیں۔[/quote:2bleugow]

یہ مصرع سودا کا بھی نہیں بلکہ استاد ذوق کا ہے

شعر میرے ذہن میں نہیں ہے۔
کچھ اس طرح ہے
دختر رز کو ذوق اتنا نہ منہ لگا کہ یہ
چھٹتی نہیں ہے منہ سے یہ کافر لگی ہوئی

 

شکریہ

شکریہ

 

طرز بیدل میں ریختہ اسداللہ خاں قیامت ہے

طرز بیدل میں ریختہ کہنا
اسداللہ خاں قیامت ہے
یہ شعر غالب کا ہے
بیدل فارسی کے شاعر تھے

 

Re: طرز بیدل میں ریختہ لکھنا اسداللہ خاں قیامت

حضرت کیا یہ بھی شعر کا حصہ ہے ۔ :143:

اک مسلسل فریب کے سوا کچھ نہیں غالب
میں نے زندگی کو بہت قریب سے دیکھا ہے ​

 

طرز بیدل میں ریختہ کہنا۔۔۔۔۔۔۔
اور آپ کا درج کیا ہوا دونوں شعر غالب کے ہیں
بیدل کے تعارف کیلئے عرض کیا تھا کہ وہ فارسی کے شاعر تھے

 

پہلہ شعر جو میں نے لکھا وہ استاد ذوق کا تھا ۔اور جب کے دوسرا غالب کا۔

ہم سخن تیشے نے شیریں کو فرہاد سے کیا
کسی میں جیسا بھی ہو کمال اچھا ہے

 

چیٹر بھائی ۔ مجھے ایک بات کا یقین ہو چلا ہے کہ آپ کی عمر 16 سال نہیں ۔ بلکہ شاید آپ نے عدد آگے پیچھے کر دیا ہے۔ اپنے شاعرانہ ذوق سے مجھے آپ 61 سال کے لگتے ہیں۔ معاف کیجئے گا :hasna:

 

باز آئیں جور سے مگر باز آئیں کیا
کہتے ہیں ہم تجھ کو منہ دکھلائیں کیا
رات گردش میں ہیں سات آسماں
کچھ ہو کر رہے گا گھبرائیں کیا
پوچھتے ہیں وہ کے وہ غالب کون ہے
کوئی بتلاؤ کہ ہم بتلائیں کیا​

 

مان گئے چیٹر بھائی۔ ہم بغیر ویب سائٹ کے ہی مان گئے۔
لیکن آپکے اعلی شاعرانہ ذوق کی داد دیے بغیر چارہ نہیں۔ آپ کی شاعرانہ پسند بہت اچھی ہے۔

 

کسی کو دے کے دل کوئی نوا سنجِ فغاں کیوں ہو
نہ ہو جب دل ہی سینے میں تو پھر منہ میں زباں کیوں ہو

وہ اپنی خو نہ چھوڑیں گے ہم اپنی وضع کیوں چھوڑیں
سبک سر بن کے کیا پوچھیں کہ ہم سے سر گراں کیوں ہو

کِیا غم خوار نے رسوا، لگے آگ اس محبّت کو
نہ لاوے تاب جو غم کی، وہ میرا راز داں کیوں ہو

وفا کیسی کہاں کا عشق جب سر پھوڑنا ٹھہرا
تو پھر اے سنگ دل تیرا ہی سنگِ آستاں کیوں ہو

قفس میں مجھ سے رودادِ چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو

یہ کہہ سکتے ہو "ہم دل میں نہیں ہیں" پر یہ بتلاؤ
کہ جب دل میں تمہیں تم ہو تو آنکھوں سے نہاں کیوں ہو

غلط ہے جذبِ دل کا شکوہ دیکھو جرم کس کا ہے
نہ کھینچو گر تم اپنے کو، کشاکش درمیاں کیوں ہو

یہ فتنہ آدمی کی خانہ ویرانی کو کیا کم ہے
ہوئے تم دوست جس کے، دشمن اس کا آسماں کیوں ہو

یہی ہے آزمانا تو ستانا کس کو کہتے ہیں
عدو کے ہو لیے جب تم تو میرا امتحاں کیوں ہو

کہا تم نے کہ کیوں ہو غیر کے ملنے میں رسوائی
بجا کہتے ہو، سچ کہتے ہو، پھر کہیو کہ ہاں کیوں ہو

نکالا چاہتا ہے کام کیا طعنوں سے تُو غالب
ترے بے مہر کہنے سے وہ تجھ پر مہرباں کیوں ہو​

 

بہت خوب اور بہت اچھے۔ غالب از سمپلی “دی گریٹ “

 

ٹرُو - ٹرُو

ہیں اور بھی دنیا میں سخن ور بہت اچھے
کہتے ہیں کہ غالب کا ہے اندارِبیاں اور

 

جنوں کی دستگیری کس سے ہوگرہو نہ عریانی
گریباں چاک کا حق ہو گیا ہے میری گردن پر

بہ رنگِ کاغذِ آتش زدہ نیرنگِ بے تابی
ہزار آئینہ دل باندھے ہے بالِ یک تپیدن پر

فلک سے ہم کو عیشِ رفتہ کا کیا کیا تقاضا ہے
متاعِ بُردہ کو سمجھے ہوۓ ہیں قرض رہزن پر

ہم اور وہ بے سبب “رنج آشنا دشمن” کہ رکھتا ہے
شعاعِ مہر سے تُہمت نگہ کی چشمِ روزن پر

فنا کو سونپ گر مشتاق ہے اپنی حقیقت کا
فروغِ طالعِ خاشاک ہے موقوف گلخن پر

اسد بسمل ہے کس انداز کا، قاتل سے کہتا ہے
“تو مشقِ ناز کر، خونِ دو عالم میری گردن پر“

(مرزا غالب)​

 

اگر تو مجھے بھول گیا ہو تو پتا بتلا دوں
گبھی فتراک میں تیرے نخچیر بھی تھا

 

بہت خوب نعیم اور چیٹر۔ مزید ملاحظہ کیجئے۔

یہ نہ تھی ہماری قسمت کہ وصالِ یار ہوتا
اگر اور جیتے رہتے یہی انتظار ہوتا

تیرے وعدے پر جئے ہم تو یہ جان جھوٹ جانا
کہ خوشی سے مر نہ جاتے اگر اعتبار ہوتا

تیری نازکی سے جانا کہ بندھا تھا عہد بودا
کبھی تو نہ توڑ سکتا اگر استوار ہوتا

کوئی میرے دل سے پوچھے ترے تیرِ نیم کش کو
یہ خلش کہاں سے ہوتی، جو جگر کے پار ہوتا

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا ، کوئی غمگسار ہوتا

رگِ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو، یہ اگر شرار ہوتا

غم اگرچہ جاں گسل ہے، پہ کہاں بچیں کہ دل ہے
غمِ عشق گر نہ ہوتا غمِ روزگار ہوتا

کہوں کس سے میں کہ کیا ہے، شبِ غم بُری بلا ہے
مجھے کیا برا تھا مرنا اگر ایک بار ہوتا

ہوئے مر کے ہم جو رسوا، ہوئے کیوں نہ غرقِ دریا
نہ کبھی جنازہ اٹھتا نہ کہیں مزار ہوتا

اسے کون دیکھ سکتا، کہ یگانہ ہے وہ یکتا
جو دوئی کی بو بھی ہوتی تو کہیں دو چار ہوتا

یہ مسائلِ تصوف یہ تیرا بیان غالب
تجھے ہم ولی سمجھتے جو نہ بادہ خوار ہوتا​

( پوری غزل خوبصورت ہے، مگر ہمارے پسندیدہ نیلے میں)

 

کیا کہنے جناب۔ :a180:

 

تم جانو، تم کو غیر سے جو رسم و راہ ہو
مجھ کو بھی پوچھتے رہو تو کیا گناہ ہو
بچتے نہیں مواخذۂ روزِ حشر سے
قاتل اگر رقیب ہے تو تم گواہ ہو
کیا وہ بھی بے گنہ کش و حق نا شناس ہیں
مانا کہ تم بشر نہیں خورشید و ماہ ہو
ابھرا ہوا نقاب میں ہے ان کے ایک تار
مرتا ہوں میں کہ یہ نہ کسی کی نگاہ ہو
جب مے کدہ چھٹا تو پھر اب کیا جگہ کی قید
مسجد ہو، مدرسہ ہو، کوئی خانقاہ ہو
سنتے ہیں جو بہشت کی تعریف، سب درست
لیکن خدا کرے وہ ترا جلوہ گاہ ہو
غالب بھی گر نہ ہو تو کچھ ایسا ضرر نہیں
دنیا ہو یا رب اور مرا بادشاہ ہو​

 

بہت خوب! غالب کی شرارت کے تو کیا کہنے۔

ابھرا ہوا نقاب میں ہے ان کے ایک تار
مرتا ہوں میں کہ یہ نہ کسی کی نگاہ ہو