عنایت عادل صاحب کا تعارف

تانیہ بی بی! اس عمر میں پرچہ حل کرتے ہوئے شرمندگی سی محسوس وہ رہی ہے لیکن ایک بات یہ بھی کی خوشی بھی ساتھ ساتھ چلی آئی ہے، وہ ایسے کہ پرچہ حل کرنے کے حکم کو دیکھتے ہی بچپن کا زمانہ یاد آ گیا۔ اور یقین کیجئے مین ایسا ہی محسوس کر رہا ہوں کہ جیسے ۔آج سے کئی برس پہلے، وینسم کالج ڈیرہ اسماعیل خان کے امتحانی ہال میں پرچہ حل کرنے کے لئے بیٹھا کرتے تھے۔ آپ کا شکریہ کہ آپ نے مجھے، کچھ دیر کے لئے ہی سہی، اس ’’جنتی دور‘‘ میں واپد بھیج دیا۔

 

1- پورا نام؟ اور کس نے رکھا؟
عنایت اللہ خان، میرے مرحوم ماموں جان نے رکھا۔
2- لقب؟ اور کیوں رکھا گیا؟
عادل۔۔۔۔۔ آٹھویں جماعت میں میرے ایک استاد محترم نے مجھے یہ تخلص بخشا۔ وجہ اسکی یہ تھی کہ مجھے نقل سے چڑ تھی، ان استاد محترم نے پوچھا کہ کلاس میں سب نقل لگا رہے ہیں ، تم کیوں یہ موقع ضائع کر رہے ہو۔ میں نے جواب دیا کہ اگر میں نقل کا استعمال کروں تو حاصل کردہ نمبروں میں سے مجھے کیسے اندازہ ہوگا کہ ان مین سے نقل والے کون سے ہیں اور میری اہلیت اور میری محنت والے نمبر کتنے ہیں۔ اس پر میرے استاد محترم پیر سعد صاحب نے مجھے عادل کا لقب دیا۔ جو کہ دراصل اب میری پہچان بھی بن چکا ہے

3- عمر؟ (لڑکیوں کو غلط بیانی کی اجازت ہے۔)
بچپن اور جوانی گزارنے کے بعد اب دوبارہ بچپن کی طرف گامزن ہوں
4- شہر، ملک؟ (کب سے یہاں ہیں؟)
ڈیرہ اسماعیل خآن، پاکستان۔ پیدائش سے ہی اسی مٹی کا قرضدار ہوں
5- تعلیم؟ (حاصل کرنا کیوں ضروری سمجھی؟)
جرنلزم کیا ہے۔ ضروری اس طرح کہ سوچا شاید اآدمی سے انسان بن جائوں، بنا یا نہیں، اس بارے میں خود کچھ کہنا مناسب نہیں۔
6- مشاغل؟ (اپنے بتانے ہیں، اُن کے نہیں۔)
پڑھنا، لکھنا اور پھر پڑھنا۔۔۔24 گھنٹوں میں سے 4 گھنٹے سونا، باقی میں اونگھنا۔۔۔۔
7- پیشہ؟ (کاروبارِ محبت سے اِحتراز کریں۔)
صحافت۔۔۔۔کالم نگاری(بالحق کے عنوان سے)، خطابت، اورمعاشرے میں انسانیت کا فروغ
8- مستقبل کے عزائم؟ (اگر زیادہ خطرناک ہوں تو وضاحت سے بیان کریں۔)
اپنے شہر اور ملک کے مستقبل کی فکر میں اپنا مستقبل بھلا چکا ہوں
9- ہماری اردو سے تعارف کیسے ہوا ؟
کچھ معلومات کے لئے اردو ویب سائٹس کی تلاش کے دوران یہ سائٹ دیکھی۔۔۔دوستوں کی تحریرں پڑھیں، اپنی اصلاح کے لئے اپنی کاوشوں کو یہاں بھیجنا لازمی سمجھا۔ اب دیکھئے اہل علم کس قدر تعاون کرتے ہیں۔۔۔۔
(اگلا پرچہ کب ہے اور نتیجہ کا انتظار رہے گا(

 

پہلی دفعہ اتنے ڈھیر سارے نمبر لینے پر یقین تو نہیں آرہا البتہ آپ ک خلوص پر یقین ہے۔ کچھ تحاریر ارسال کی ہیں، دوستوں کی طرف سے جوابات بھی کافی مثبت آئے ہیں۔ نہایت مصروف زندگی میں سے ’’پیاری اردو‘‘ کے لئے وقت نکالنا اب مجبوری بن چکا ہے۔ لہٰذا 10% نمبرز عطا کر ہی دیجئے۔۔۔۔۔۔۔

 

آپکے بارے میں جان کے بہت اچھا لگا آپکو ہماری اردو پہ دل کی گہرائیوں سے خوش آمدید

 

بہت شکریہ میرے ’’پاکستانی‘‘ بھائی۔۔۔