عشق کرنے کا یہی معیار ہونا چاہئے---برائے اصلاح

شکیل احمد خان
ـــــــــ
عشق کرنے کا یہی معیار ہونا چاہئے
اس کے دل میں بھی تمہارا پیار ہونا چاہئے
-------
پیار سچا بھی خدا کی نعمتوں میں ایک ہے
دل میں رہنے کے لئے دلدار ہونا چاہئے
--------
کس نے تم سے کہہ دیا آسان ہے یہ زندگی
مشکلوں کے دور میں غمخوار ہونا چاہئے
-----------
چاہئے توقیر اپنی اس جہاں میں گر تمہیں
کچھ تمہارا پھر یہاں کردار ہونا چاہئے
-------------یا
پھر تمہیں بھی صاحبِ کردار ہونا چاہئے
---------------
یہ اداسی اس لئے ہے دل میں کوئی بھی نہیں
دل کسی کے پیار میں سرشار ہونا چاہئے
-------------
اب محبّت اس جہاں میں بن گئی بیوپار ہے
اس لئے انسان کو زردار ہونا چاہئے
------------
تم کو ارشد مل گیا ہے پیار سچا اس لئے
یار سے بھی پیار کا اظہار ہونا چاہئے
-------------