عشق بس عشق مصطفیٰ مانگوں

حمدیہ ونعتیہ کلام

عشق بس عشق مصطفیٰﷺ مانگوں
اور تجھ سے نہ کچھ خدا مانگوں
اس دعا سے بڑی دعا کیا ہے
اس سے بڑھ کر میں کیا دعا مانگوں
میرے سوزِ جگر کے چارہ رساں
تجھ سے ہر زخم کی دوا مانگوں
زندگی مجھ کو بخشنے والے
زندگی کا میں مدعا مانگوں
اپنے آپے سے ہو کے باہر آج
تجھ سے میں تیرا دلربا مانگوں
لوگ کہتے ہیں جن کو بے سایہ
ان کے سائے کا آسرا مانگوں
جاں بھی جائے تو آسؔ دے کر میں
ان کے کوچے کی خاکِ پا مانگوں

سعادت حسن آس​

 

جزاک اللہ

 

سبحان اللہ ۔ اللہ تعالٰی جزائے خیر عطا کرے آمین