عالم میں بن کے رحمت سرکارﷺ آرہے ہیں ۔ محمد عارفؔ سروری

عالم میں بن کے رحمت سرکارﷺ آرہے ہیں​

ہر شے پہ ہے مسرت سرکارﷺآرہے ہیں

وہ فخر آدمیت سرکارﷺ آرہے ہیں
بن کر جہاں کی زینت سرکارﷺ آرہے ہیں

گلشن مہک رہے ہیں غنچے چٹک رہے ہیں
دینے گلوں کو رنگت سرکارﷺ آرہے ہیں

خوشیاں منا رہے ہیں جھنڈے لگا رہے ہیں
کرتے ہیں ان کی مدحت سرکارﷺ آرہے ہیں

محشر میں جب کہاہے صل علی محمدﷺ
وہ غم گسار امت سرکارﷺ آرہے ہیں

خیرالوریٰ ہیں آئے پیغام حق کا لائے
دینے وہ سچی دعوت سرکارﷺ آرہے ہیں

ہر دم برس رہی ہے رحمت خدا کی ہم پر
برسی خدا کی رحمت سرکارﷺ آرہے ہیں

عارفؔ جہان سارے صدقے ہیں مجتبیٰ کے
ہیں وہ ہی رنگ و نکہت سرکارﷺ آرہے ہیں
---------
محمد عارفؔ سروری
رمزِنعت پہلاآن لائن فی البدیہہ طرحی نعتیہ مشاعرہ 10 نومبر 2019​

 

عالم میں بن کے رحمت سرکارﷺ آرہے ہیں
ہر شے پہ ہے مسرت سرکارﷺآرہے ہیں​

 

وہ فخر آدمیت سرکارﷺ آرہے ہیں
بن کر جہاں کی زینت سرکارﷺ آرہے ہیں​

 

خوشیاں منا رہے ہیں جھنڈے لگا رہے ہیں
کرتے ہیں ان کی مدحت سرکارﷺ آرہے ہیں​

 

خیرالوریٰ ہیں آئے پیغام حق کا لائے
دینے وہ سچی دعوت سرکارﷺ آرہے ہیں​

 

عارفؔ جہان سارے صدقے ہیں مجتبیٰ کے
ہیں وہ ہی رنگ و نکہت سرکارﷺ آرہے ہیں​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین