طیبہ کی طرف احباب چلے پھر یاد مدینہ آئی ہے ۔۔ بے ہوش محبوب نگری

طیبہ کی طرف احباب چلے پھر یاد مدینہ آئی ہے
پھر گنبد خضرا کی سبزی آنکھوں میں مری لہرائی ہے

اے قافلے والو شام و سحر مسعود ہو یہ طیبہ کا سفر
پہنچا دو وہاں تک یہ بھی خبر پھر دید کی حسرت چھائی ہے

یاد آتی ہے رہ رہ کر وہ فضا وہ داخلہ باب رحمت کا
دن رات یہاں محسوس ہوا حضرت کی سواری آئی ہے

اللہ رے روضے کا عالم افلاک کا سر ہے اس جا خم
ہے عرش بھی جس کے زیرِ قدم اس نور کی یہ چھانی ہے

آقائے دو عالمﷺ کا مسکن قرباں ہیں جس پر جان و تن
فردوس نے یہ نزہت یہ پھبن صدقے میں اسی کے پائی ہے

کس طرح کہے دکھڑا سارا ہے مہر بلب غم کا مارا
سرکارﷺ پہ روشن ہے سب کچھ جو دل کی مرے گہرائی ہے

مانا کہ وہ غرقِ عصیاں تھا بے ہوشؔ پہ فضل یزداں تھا
محبوبِ خدا کا ثنا خواں تھا یہ بات خدا کو بھائی ہے
٭٭
بے ہوش محبوب نگری ۔۔۔ (ہوشِ نعتﷺ )​

 

اللہ تعالیٰ آپ کو بھی جزائے خیر عطا کرے آمین

 

طیبہ کی طرف احباب چلے پھر یاد مدینہ آئی ہے
پھر گنبد خضرا کی سبزی آنکھوں میں مری لہرائی ہے​

 

سبحان اللہ ۔ جزاک اللہ

​

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​