طرحی مشاعرہ

ساز حیات کی لے ہے اتنا سمجھ لو پیارے
خود لکھ نہیں سکتے ، گنگنا نہیں سکتے

یہ بے لفظی گُن گُن ، بےسری سی سُر سُر
گیت چھیڑ بیٹھے ہو ، اور گا نہیں سکتے

امیر شہر کی خدمت میں اتنی گزارش ہے
ہمیں خرید نہیں سکتے ہمیں دبا نہیں سکتے

کتاب زندگی پر ایسی لکیریں کھینچ جائینگے
ہم مر بھی جائیں تو ہمیں تم مٹا نہیں سکتے

سخنوری کی حسرت ، اور کوڑ مغزی آصف
کچھ لکھ نہیں سکتے ، کچھ سُنا نہیں سکتے

آصف احمد بھٹی​

 

بہت عمدہ نعیم اور آصف بھائی

 

بے شک ! واصف بھائی بھولے بادشاہ درست کہہ رہے ہیں ، ہمیں آپ کے کلام کا انتظار رہے گا ۔

 

باقی دوست بھی کچھ لکھیں ۔ ۔ ۔ ہمیں انتظار ہے ۔ ۔ ۔

 

دعویِ عشق ہے تمہیں اور نبھا نہیں سکتے
گیت چھیڑ بیٹھے ہو اور گا نہیں سکتے

رب کو دیکھنا ہے گر اس جہان میں ڈھونڈو
گر یہاں نہ پایا تو، واں بھی پا نہیں سکتے

دل تو ایک بچہ ہے، اس نے تومچلنا ہے
اس کی ساری خواہشیں تم تو پا نہیں سکتے

واصفِ حزیں کو ہے ضبط ِ گریہ میں کمال
اس کو ستم جہان کے یکسر رلا نہیں سکتے
-----

تین یوم سے رکھے فریج میں جو کریلے ہیں
کس لیے پکائے تھے جبکہ کھا نہیں سکتے

ان سے ہم ملیں کیسے،ان کو ہم کہاں پائیں
ہم بھی جا نہیں سکتے، وہ بھی آ نہیں سکتے

اک نگاہِ بیگم ہی تیرے لیے کافی ہے
عمر کا تقاضا ہے، مار کھا نہیں سکتے