صُبح سویرے اُٹھ کے مُونہہ نُوں دھونا چاہیدا

صُبح سویرے اُٹھ کے مُونہہ نُوں دھونا چاہیدا
ہر کسے دے اَگے نہیوں رونا چاہیدا

بندیا ویلہ گزر گیا نہ ہتھ فِر آئونا
ہتھوں ویلہ نہیں کدے وی کھونا چاہیدا

وقت فجر دے ویلے اُٹھ کے پڑھ نماز تُوں
آکھے لگ شیطان دے نہیں جی سونا چاہیدا

کیوں لڑدے او پاگلو چنگی گل نہیں اے
بھین بھراواں دے وِچ پیار تے ہونا چاہیدا

نشیاں والے اپنی موت نوں آپ خریدن
جان نوں بھیڑے کماں تے نہیں جُونا چاہیدا

سرکس ویکھ کے کہندے لوکی مزہ نہ آیا
ہور تُساں نُوں سرکس لئی اِک بُونا چاہیدا

لوکو ہس کے وقت گزارو نال پیاراں
اکھیاں چوں نہیں نِیر فقیراؔ چُونا چاہیدا
​