صد شکر میں شامل ہوں سرکارﷺ کی امت میں ۔۔انعام الحق معصوم صابری

صد شکر میں شامل ہوں سرکارﷺ کی امت میں
ہر وقت گزرتا ہے محبوبﷺ کی مدحت میں

محصور یہ امت ہے آقاﷺ کی محبت میں
مخمور زمانہ ہے سرکارﷺ کی نکہت میں

مومن تو ہمیشہ ہی رہتا ہے عبادت میں
دن رات گزرتے ہیں قرآں کی تلاوت میں

جب پاس بلایا ہے آقا نے غلاموں کو
نعلین میں سر رکھیں عشاق عقیدت میں

اب کوئی نہ آئے گا داعی بھی نبوت کا
ایماں ہے مرا پختہ سرور کی رسالت میں

ناموس پہ آقاﷺ کی جاں وارے ہے ہر کوئی
"ایماں کی حرارت ہے سرکارﷺ کی امت میں"

معصوم فدا آقاﷺ کی آل پہ جاں دل سے
دم میرا تو نکلے ہے بس ان کی مؤدت میں
----
انعام الحق معصوم صابری
​

 

صد شکر میں شامل ہوں سرکارﷺ کی امت میں
ہر وقت گزرتا ہے محبوبﷺ کی مدحت میں​

 

مومن تو ہمیشہ ہی رہتا ہے عبادت میں
دن رات گزرتے ہیں قرآں کی تلاوت میں​

 

اب کوئی نہ آئے گا داعی بھی نبوت کا
ایماں ہے مرا پختہ سرور کی رسالت میں​

 

ناموس پہ آقاﷺ کی جاں وارے ہے ہر کوئی
"ایماں کی حرارت ہے سرکارﷺ کی امت میں"​

 

معصوم فدا آقاﷺ کی آل پہ جاں دل سے
دم میرا تو نکلے ہے بس ان کی مؤدت میں​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین