صد شُکر عنایات کا در باز ہُوا ہے ۔۔مقصود علی شاہ

صد شُکر عنایات کا در باز ہُوا ہے
ہر صبح نئی نعت سے آغاز ہُوا ہے

حصے میں جو آئی ہے ترے در کی غُلامی
مقدور یہ نسلوں سے ہی اعزاز ہُوا ہے

سرکار بُلائیں گے مدینے میں بہ ہَر طَور
یہ ناز بصد ناز بہ انداز ہُوا ہے

بے زادِ سفر جذبے مدینے کو رواں ہیں
بے پَر ہی یہ دل شائقِ پرواز ہُوا ہے

اِک نعت تمھاری تھی ہُوئی مُونسِ ہجراں
اِک نام تمھارا تھا جو ہمراز ہُوا ہے

کھِلتے ہیں کفِ دل میں سَحر دید کے منظر
اُس زلف کی طلعت کا یہ اعجاز ہُوا ہے

تدبیر سے ممکن ہی نہ تھی نعت کی تعبیر
یہ اذن ہے جو لب پہ سخن ساز ہُوا ہے

اِک خواب نے دیکھے ہیں کئی خواب سویرے
شب بام پہ روشن وہ مہِ ناز ہُوا ہے

مقصود زمانے نے اُجالے کئی محور
دل پھر بھی اُسی در کا ہی غمّاز ہُوا ہے
----
Maqsood Ali Shah
مقصود علی شاہ



​

 

حصے میں جو آئی ہے ترے در کی غُلامی
مقدور یہ نسلوں سے ہی اعزاز ہُوا ہے​

 

سرکارﷺ بُلائیں گے مدینے میں بہ ہَر طَور
یہ ناز بصد ناز بہ انداز ہُوا ہے​

 

تدبیر سے ممکن ہی نہ تھی نعت کی تعبیر
یہ اذن ہے جو لب پہ سخن ساز ہُوا ہے​

 

مقصود زمانے نے اُجالے کئی محور
دل پھر بھی اُسی در کا ہی غمّاز ہُوا ہے​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین