شیر خدا پہ جرت و ہمت تمام شد ۔ بلال رشید,

شیر خدا پہ جرت و ہمت تمام شد
یعنی شہہ نجف پہ شجاعت تمام شد
نہج البلاغہ پڑھ کے مورخ نے لکھ دیا
خطبات حیدری پہ بلا غت تمام شد
کہتا ہوں ہل اتی کے حوالے سے برملا
نفس نبی پہ لطف و عنایت تمام شد
ہجرت کا واقعہ ہے سند اس پہ تا ابد
حیدر پہ ہے نبی کی اطاعت تمام شد
عرفان ان کا پائیں بھلا کیسے کم نسب
بعد از نبی ہے جن پہ نجابت تمام شد
تسلیم یہ عدو بھی کیا کرتے تھے سدا
ہے نطق مرتضی پہ صداقت تمام شد
دنیا نے اے بلال ستایا انہیں سدا
جن پر ہوئی تھی خم میں ولایت تمام شد
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین