شہر دل بے شباب ہے کم ہے

شہر دل بے شباب ہے کم ہے
جتنی حالت خراب ہے کم ہے

تجھ کو سنگہار کی ضرور ت کیا
پر ضیا رخ کتاب ہے کم ہے

اس تجلی پہ پردہ رکھنے کو
یہ جو رخ پر حجاب ہے کم ہے

تیری دنیا کے جو دوانے ہیں
ان کا خانہ خراب ہے کم ہے

ایک امید دل کی ہے مشکل
چشم قیدِسراب ہے کم ہے

زندگی تجھ پہ کیوں مرا جاۓ
یہ جو جینا عذاب ہے کم ہے

مہ کشی گر علاج غم ٹھہری
پھر تو جتنی شراب ہے کم ہے

اک تخیل سے ہی اس دل کی
یہ جو حالت خراب ہے کم ہے

ضبط کا خود پہ ہے اجر لیکن
جتنا اس کا ثواب ہے کم ہے

کردو مثلہ ہمارے لاشے کا
گر یہ حکم جناب ہے کم ہے

شہر کی تیرگی مٹانے کو
ہاتھ میں آفتا ب ہے کم ہے

تم تو شہرِ جنوں کے ہو رضوی
آنکھ میں ایک خواب ہے کم ہے

 

بہت عمدہ

 

بہت شکریہ

 

واہ واہ ! سید صاحب !!پوری غزل ، تمام اشعاراور ہر مصرعہ دل کو چھولینے والا۔خدا آپ کو خوش رکھے ،آپ نے عروسِ سخن کی مانگ ستاروں سے جگمگادی۔

 

بہت شکریہ جناب