شعرلکھیں لفظ ہم بتاتے ھیں

چراغ اس نے بجھا بھی دیا جلا بھی دیا
یہ میری قبر پہ منظر نیا دکھا بھی دیا
۔۔۔۔۔۔۔۔۔۔۔۔۔۔۔۔۔۔۔۔
قبر

 

درخت راہ بتائیں‘ ہلا ہلا کر ہاتھ
کہ قافلے سے مسافر بچھڑ گیا ہے کوئی
----------
بچھڑ

 

تمہیں خیال نہیں کس طرح بتائیں تمہیں
کہ سانس چلتی ہے لیکن اداس چلتی ہے
۔۔۔۔۔۔۔۔۔۔۔۔۔۔۔۔
سانس

 

مجھے سانس سانس گراں لگے یہ وجود وہم و گماں لگے
میں تلاش خود کو کہاں کروں مری ذات خواب و خیال ہے
------
گماں

 

ایک گماں کا حال ہے اور فقط گماں میں ہے
کس نے عذاب جاں سہا کون عذاب جاں میں ہے
--------
عذاب

 

ہجر بھی کم نہیں ہے دوزخ سے
اس سفر کا عذاب اور ہی ہے
۔۔۔۔۔۔۔۔۔۔۔۔۔۔۔۔
دوزخ

 

ڈرے کیا آتشِ دوزخ سے دیوانہ محمدﷺ کا
کہ اٹھتے شعلے گل کرتا ہے پروانہ محمدﷺ کا
---------
شعلے

 

دل سمجھ لیتا ہے جس وقت محبت کا مزاج
زندگی شعلے کی شبنم میں بدل جاتی ہے
---------------
شبنم

 

خوبصورت غزل جیسا ہے تیرا چاند سا چہرہ
نگاہیں شعر پڑھتی ہیں تو لب ارشاد کرتے ہیں
-----
نگاہیں

 

آرزو حسرت اور امید شکایت آنسو
اک ترا ذکر تھا اور بیچ میں کیا کیا نکلا

-----

ذکر

 

کچھ تو تنہائی کی راتوں میں سہارا ہوتا
تم نہ ہوتے نہ سہی ، ذکر تمہارا ہوتا
۔۔۔۔۔۔۔۔۔۔۔۔۔۔۔۔۔۔۔۔۔۔
رات

 

گو مجھے احساس تنہائی رہا شدت کے ساتھ
کاٹ دی آدھی صدی ایک اجنبی عورت کے ساتھ
۔۔۔۔۔۔۔۔۔۔۔
عورت

 

ویسے لفظ علم آپ کے شعر میں موجود نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمت ہے تو بلند کر آواز کا علم ۔ ۔ ۔
چپ بیٹھنے سے حل نہیں ہونے کا مسئلہ
۔۔۔۔۔۔۔۔
آواز

 

لے لو بوسہ اپنا واپس کس لیے تکرار کی
کیا کوئی جاگیر ہم نے چھین لی سرکار کی
۔۔۔۔۔۔۔۔۔۔۔۔
جاگیر

 

ہم اپنے شانوں پہ پھرتے ہیں قتل گاہ لیے
خود اپنے قتل کی سازش ہمارا ورثہ ہے
۔۔۔۔۔۔۔۔۔۔۔۔۔۔۔۔۔۔۔
سازش

 

چمن زار محبت میں خموشی موت ہے بلبل
یہاں کی زندگی پابندئ رسم فغاں تک ہے
-----
رسم

 

nice sharing amazing one