شعرلکھیں لفظ ہم بتاتے ھیں

یہ وہم مٹ چلا کہ جہاں بے ثبات ہے
تم ساتھ ہو تو ساتھ میرے کائنات ہے
--------
کوہسار

 

ہے بلندی سے فلک بوس نشيمن ميرا
ابرِ کہسار ہوں گل پاش ہے دامن ميرا
کبھی صحرا ، کبھی گلزار ہے مسکن ميرا
شہر و ويرانہ مرا ، بحر مرا ، بن ميرا
--------
نشیمن

 

نشیمن پر نشیمن اس قدر تعمیر کرتا جا
کہ بجلی گرتے گرتے آپ خود بے زار ہو جائے
۔۔۔۔۔۔۔۔۔۔۔۔۔۔۔۔۔۔
بے زار

 

روز محشر ہے رات ہجراں کی
ایسی ہم زندگی سے ہیں بیزار
------------
محشر

 

بڑا مزہ ہو جو محشر میں ہم کریں شکوہ
وہ منتوں سے کہیں چپ رہو خدا کے لیے
---------
خدا

 

خدا ہم کو ایسی خدائی نہ دے
کہ اپنے سوا کچھ دکھائی نہ دے

جہاں

 

وہ لفظوں اور جذبوں کی رفاقت کا نہیں قائل
جہاں چاہے کہانی کا تسلسل توڑ دیتا ہے

تسلسل

 

میں ٹوٹنے دیتانہیں رنگوں کا تسلسل

زخموں کو ہرا کرتا ہوں بھر جانیکے ڈر سے

رنگ:​

 

عجب ہے رنگ ِ چمن، جا بجا اُداسی ہے
مہک اُداسی ہے، باد ِ صبا اُداسی ہے
نہیں نہیں، یہ بھلا کس نے کہہ دیا تم سے؟
میں ٹھیک ٹھاک ہوں، ہاں بس ذرا اُداسی ہے
-------
اُداسی

 

ہمارے گھر کی دیواروں پہ ناصرؔ
اداسی بال کھولے سورہی ہے

گھر

 

وہ کہتی ہے سنّو جاناں ، محبّت موم کا گھر هے
تپّش یہ بدگمُانی کی ، کہیں پگھّلا نہ دے اس کو
----
بدگمُانی

 

بدگمانی کو بڑھا کر تم نے یہ کیا کردیا

خو دبھی تنہاہوگئے مجھ کو بھی تنہاکردیا​

عید

 

عید بھی گزری ہماری حسبِ سابق
کپڑے نئے تھے اور غم وہی پرانے
-------
گزری

 

زندگی اپنی جب اس شکل سے گزری غالبؔ
ہم بھی کیا یاد کریں گے کہ خدا رکھتے تھے
---------
شکل

 

وہ پیاری پیاری شکل وہ نازک سے ہاتھ پاوں
ہم جانتے تھے ان سے ستایا نہ جائے گا
---
نازک

 

لے سانس بھی آہستہ کہ نازک ہے بہت کام
آفاق کی اس کارگہ شیشہ گری کا!!
---------
آفاق

 

عروس صبح سے ہمکنار آفاق سہی
شکست سلسلہ قید انتظار سہی
نگاہ مہر جہاں تاب کیوں ہے شرمندہ
شفق کا رنگ شہیدوں کی یادگار سہی
--------------
شفق

 

شفق نہیں ہے یہ افلاک نے تری شب وصل
بھرا ہے شادی کا تنبول آبگینوں میں
----------
شادی

 

تیری شادی کی باتیں چل رہی ہیں آج کل بیٹا
سو تیرا صاف ستھرا ہر گھڑی ہونا ضروری ہے
میرا مطلب مہینے تک نہانے کی نہیں فرصت
تو پھر ہفتے کے ہفتے ہاتھ منہ دھونا ضروری ہے
--------
فرصت

 

ہا ہا ہا ہا ۔۔۔۔۔۔۔۔۔۔۔۔
جواب بھی حاضر ہے

فرصت ملے تو اپنا گریباں بھی دیکھ لے
اے دوست یوں نا کھیل میری بےبسی کے ساتھ
----------
گریباں

 

گل گریباں چاک ہے بیمار نرگس غنچہ تنگ
کس کو دیکھا کیوں صبا بے رنگ ہے گلشن کا رنگ
----
رنگ

 

اک سخن اور کہ پھر رنگ تکلم تیرا
حرف سادہ کو عنایت کرے اعجاز کا رنگ
--------
اعجاز

 

اب توکچهہ اور ہی ، اعجاز دکهایا جائے
شام کے بعد بهی سورج ، نہ بجهایا جائے
نئے انسان سے تعارف جو ہوا ، تو بولا
میں ہوں سقراط، مجهے زہر پلایا جائے
---------
سقراط

 

اُس پیالے میں زہر تھا ہی نہیں
ورنہ سقراط مر گیا ہوتا
-----------
زہر

 

زہر کا پیالا تھا زندگی پورا پی لیا ہم نے
بہت دکھہ سہہ لیے ہم نے بہت دن جی لیا ہم نے
بہت سے صدمے ایسے تھے کہ خون سے تر تھیں آنکھیں
آنکھیں بند کر لیں اور ہونٹوں کو سی لیا ہم نے
-------
پیالا

 

تلخیاں بھی پی چکے شیرینیاں بھی چکھ چکے
ہر پیالہ اس خمارستان کا نوشیدہ ہے
------------
تلخیاں

 

تلخیاں اس میں بہت کچھ ہیں مزا کچھ بھی نہیں
زندگی درد محبت کے سوا کچھ بھی نہیں
شمع خاموش بھی رہتے ہوئے خاموش کہاں
اس طرح کہہ دیا سب کچھ کہ کہا کچھ بھی نہیں
-----
خاموش

 

اتنے خاموش بھی رہا نہ کرو
غم جدائی میں یوں کیا نہ کرو
خواب ہوتے ہیں دیکھنے کے لیے
ان میں جا کر مگر رہا نہ کرو
----------
جدائی

 

جس کی آنکھوں میں کٹی تھیں صدیاں
اس نے صدیوں کی جدائی دی ہے
.................
آنکھ

 

اشکِ تر‘ قطرۂ خوں‘ لختِ جگر‘ پارہ دل
ایک سے ایک عدد آنکھ سے بہ کر نکلا
-------
قطرۂ خوں