شاہ حسین رحمت اللہ علیہ ہوراں دیاں کافیاں

ربا میرے حال دا محرم تُوں!
اندر تُوں ہیں، باھر تُوں ہیں ،رُوم رُوم وِچ تُوں
تُوں ہیں تانا، تُوں ہیں بانا،سبھ کجھ میرا تُوں
کہے حسین فقیر نماناں،میں ناہیں، سب تُوں

گھم چرخڑیا! تیری کتن والی جیوے' نلیاں وٹن والی جیوے
بُڈھا ہویوں شاہ حسینا' دندیں جھیراں پیاں
اُٹھ سویرے ڈھونڈن لگوں، سنجھ دیاں جوگیاں
ہر دم نام سنبھال سائیں دا' تاں توں استھرتھیوی ں
چرخہ بولے،سائیں سائیں ،بائیڑ بولے تُوں
کہے حسین فقیر سائیں دا، میں ناہیں سبھ توں

نی سیو! اسیں نیناں دے آکھے لگے
جیہناں پاک نگاہاں ہوئیاں،سے کہیں نہیں جاندے ٹھگے
کالے پٹ نہ چڑھے سفیدی،کاگ نہ تھیندے بگے
شاہ حسین شہادت پائین، جومرن مِتراں دے اگے

چرخہ میرا رنگڑا رنگ لال!
جے اوڈ چرخہ، تے وڈمُنے ہُن کہہ گیا باراں پنے
سائیں کارن،لوئن رُنّے روئے ونجایا حال
جے وڈ چرخہ،تے وڈگُھمائن سبھے آئیاں،سیس گندائِن
کائی نہ آیا حال ونڈائِن ہن کائی نہ چلدی نال
وچّھے کھاہد گوہڑا واڑا سبھولڑ دا ویہڑا پار
میں کیہہ پھیڑیا ویہڑے دا نی سبھ پئیاں میرے خیال
جے وڈ چرخہ تے وڈ پچھی ماپیاں میرے سِر تے رَکھّی
کہے حسین فقیر سائیں دا ھر دم نال سنبھال

نی اسیں آؤ کھڈا ہاں لُڈّی
نوں تار ڈُور گُڈی دی، اسیں لے کر ہاں اُڈّی
ساجن دے ہتھ ڈور اساڈی، میں ساجن دی گُڈّی
اُس ویلے نوں پچھوتا سیں، جد جائے پُوسیں وچ کُھڈّی
کہے حُسین فقیر سائیں دا، سبھ دنیا جاندی بڈّی

دل درداں کیتی پوری نی،دل درداں کیتی پُوری
لکھ کروڑ جیہناں دے جُڑیا،سوبھ ی جُھوری جُھوری

میرے صاحبا! میں تیری ہو مُکی آں
منوں نہ وساریں تُوں مینوں، میرے صاحبا! ہرگلّوں میں چُکی آں
او گنہاری نوں کو گُن ناہیں، بخش کرے تاں میں چُٹھی آں
جیوں بھاوے، تیوں راکھ پیاریا، دامن تیرے میں لُکی آں
جے توں نظر مہردی بھالیں، چڑھ چُوبارے میں سُتی آں
کہے حُسین فقیر سائیں دا، در تیرے دی کُتی آں

جاگ نہ لدھی آ، سن جند ہبھو وہانی رات
اِس دم دا کیہہ بھرواسا' رہن سرائیں رات
وِچھڑے تن من' بوہڑ نہ میلہ' جیوں تروڑٹُٹے پات
کہے حسین فقیر سائیں دا،ہُوئے گئی پربھات


ویلا سِمرن دا نی، اٹھی رام دھیائے
ہتھ ملے مل پچھوتا سی، جد ویسی آوقت وہائے
اس تڑے توں بھر بھر گئیاں،تُوں بھی اپنی وار لنگھائے
اکناں بھریا، اِک بھر گئیاں،اک گھرے اِک راہے
کہے حسین فقیر سائیں دا، آتن پھیرا پائے


سائیں جیہنا ندڑے وَل' تیہناں نوں غم کیندا وے لوکا
سوائے بھلیاں جورب ول آئیاں، جیہناں نوں عشق چروکاوے لوکا
عِشق دی سرکھاری چائیاں، در در دینی آں ہوکا وے لوکا
کہے حسین فقیر سائیں دا ،لدھا ہی پریم جھروکا وے لوکا
سائیں جیہناندڑے ول، تیہناں نوں غم کیندا وے لوکا
ہو میں واری غم کیندا وے لوکا

 

Re: شاہ حسین کی کافیاں

واہ بوہت خوب بوہت ودھیا انوش جی :a165:

 

بوہت ودھیا۔ :mashallah:
محمد آنوش بھائی ۔ جزاک اللہ ۔

 

پسندیدگی کا بہت بہت شکریہ خوشی باجو اور نعیم بھائی

اللہ پاک آپ سبکو خوش رکھے آمین

 

تساں مڑ کج لکھیا ای نئیں انوش جی ایتھے، نہ پرت کے آئے ای او

 

جواب: شاہ حسین رحمت اللہ علیہ ہوراں دیاں کافیاں

متراں دی مجممانی خاطر دل دا لہو چھانی دا
کڈھ کلیجا کیتم بیرے، سو بھی لائق ناہیں تیرے
ہور توفیق ناہیں کجھ میرے، پیو کٹورا پانی دا
متراں لکھ کتابت بھجی، لگا بان پھراں تڑپھندی
تن وچ طاقت رہی نہ مولے، رو رو حرف پچھانی دا
تن من اپنا پرزے کیتا، تینوں مہر نہ آئی میتا
سانوں ہور عذر نہ کوئی چارا کہیا نمانی دا
کہے حسین فقیر نمانا تیں باہجھوں کوئی ہور نہ جانا
توں ہی دانا توں ہی بینا، توں ہی تان نتانی دا

 

جواب: شاہ حسین رحمت اللہ علیہ ہوراں دیاں کافیاں

وت نہ دنیا آون
سدا نہ پھلے توریا، سدا نہ لگے ساون
ایہہ جوبن تیرا چار دیہاڑے، کاہے کوجھوٹھ کماون
پیو کڑے دن چار دیہاڑے، البت ساہورڑے جاون
شاہ حسین فقیر سائیں دا، جنگل جائے سماون

 

جواب: شاہ حسین رحمت اللہ علیہ ہوراں دیاں کافیاں

لکھ دیتے ہیں تر جمہ
ہمیں اس دنیا میں دوبارہ لوٹ کر نہیں آنا ہے۔ توریا ہمیشہ نہیں پھلتا پھولتا اور نہ ہمیشہ ساون کا موسم رہتا ہے۔ یعنی یہ جوانی اور اس کا حسن محض چار روزہ ہے تو کس لیے جھوٹ کمانے میں مشغول ہے۔ دنیاوی زندگی چار دن کی ہے اور پھر اگلے جہان لازماً جانا ہے.

 

جواب: شاہ حسین رحمت اللہ علیہ ہوراں دیاں کافیاں

سلطان باہو



گھجے سائے صاحب والے کجھ نہیں خبراصل دی ہُو
گندم دانہ بہتا چگیا؟ گل پئی ڈور ازل دی ہُو
پھاہی دے وچ میں پئی تڑپاں بلبل باغ مثل دی ہُو
غیر دلے تھیں سٹ کے باہُو رکھ اُمید فضل دی ہُو


اوکھے لفظاں دے معنے
گجھے =پوشیداہ-جیہڑا ظاہر دیاں نظراں توں اوہلے لکیا ہووے
سایہ =کامل انسان تے عالم نوں ظل الہ (رب دا سایہ ) آکھدے نیں (کجھ خوشامدی لوک بادشاہ نوں وی ظل الہ آکھدے سن -اوہناں دی گل چھڈو)
سایہ صرف اصل شے دا عکس ہوندا اے تے نور دے مقبلے وچ ہوندا اے سانوں (عام لوکاں نوں ) نور بارے کئی خبر نہیں
ٹ ک
سایہ یزداں بود بندہ خدا
مردہ ایں عالم و زندہ خدا
(رومی)
اصل =نور جیہدی وجہ توں سایہ بند اے
گندم دا دانہ بہتا چگیا = کنک دا دانہ بہتاتے نہیں سی کھادا صرف چکھیا ای سی اللہ تعالی دے ہنکن دے باوجود وی کندم دانہ چکھیا گیا -ایسے لئی ازل دی ڈور گل وچ بے گئی اے -جیہڑی ابد تائیں رہے گی
میں عالم مثال دی بلبل ہاں جہیٹری اپنی اصل نالوں دور ہوکے عالم شہادت (بتاں دی شکل ) دی پھاہی وچ پھس گئی ہاں -میں دوبارہ عالم مثال دی سیر لئی تڑپ رہی آں
غیر =غیر اللہ (وحدت الوجود وچ غیر دا کوئی وجود نہیں )
سٹ کے = کڈھ کے
فضل =خدا دا اپنے بندے نوں اوہدے حق تے لوڑ توں ڈھیر ودھ دینا-بے حد کرم تے بخشش

 

جواب: شاہ حسین رحمت اللہ علیہ ہوراں دیاں کافیاں

سلطان باہو


لوہا ہوویں پیا کٹیویں تاں تلوار سڈیویں ہُو
کنگھی وانگوں پیا چریویں زلف محبوب بھریویں ہُو
مہندی وانگوں پیا چریویں زلف محبوب رنگیویں ہُو
عاشق صادق ہوویں باہو رس پریم دی پیویں ہُو

اوکھے لفظاں دے معنے


سڈیویں =سدیا جاویں -اکھوائیں
کٹیویں =کٹیا جاویں
سڈیویں =سدیا جاویں -جاویں -اکھوائیں
چریویں=چیریاجاویں
بھریویں =بھریا جائیں پر ہو جاویں -رج جاویں
محبوب دیاں زلفاں نال رج کے چہل مہل کر لیں
گھوٹیویں =گھوٹیا جاویں
رنگیویں=رنگیا جاویں ( محبوب دی تلی نوں رنکن دی تھان محبوب دی تلی نال رنگیا جاویں وچ شاعری دی پدھر اچیری اے ) ایس بیت وچ عشق دی منزل (محبوب تائیں ڈھوئی ) تے اپڑن والے نوں راہ وچ جو اوکڑاں جھلیناں پیندیاں نیں اوہناں دا ذکر کر کے عاشق نوں دی سچے عشق دے اوکھے پنیڈیاں دی دس پائی گئی اے

 

جواب: شاہ حسین رحمت اللہ علیہ ہوراں دیاں کافیاں

غلطی سے شاہ حسین کے کلام کی لڑی میں سلطان باہو کا کلام پوسٹ کر دیا ہے۔۔۔۔ایڈمن ٹیم سے گزارش ہے اسے سلطان باہو کے کلام کے دھاگے میں منتقل کر دیا جائے۔شکریہ

 

جواب: شاہ حسین رحمت اللہ علیہ ہوراں دیاں کافیاں

پیارے بن راتاں ہوئیاں وڈیاں

رانجھن جوگی میں جوگیانی، کملی کر کر سڈی آں
ماس جھڑے، جھڑ پنجر ہویا، کڑکن لگیاں ہڈیاں
میں ایانی نہیوں کی جاناں، برہوں تناواں گڈیاں
کہے حسین فقیر سائیں دا، دامن تیرے میں لگی آں
----------------------------------
ترجمہ
محبوب سے جدائی کے باعث راتیں بڑی لمبی ہو گئی ہیں۔رانجھا اگر جوگی ہے تو میں اس کی جوگن ہوں، مجھے اس نے دیوانہ کر کے رکھ دیا ہے ۔محبوب کی جدائی میں میرا گوشت پوست جھڑ چکا ہے اور اب میں صرف ایک ڈھانچا رہ گیا ہوں۔میں نادان کیا جانوں عشق و محبت کیا ہے؟میں نے تیرا دامن تھام لیا ہے اب میری عزت آبرو تیرے ہاتھ میں ہے

 

جواب: شاہ حسین رحمت اللہ علیہ ہوراں دیاں کافیاں

نی سیو ! اسیں نیناں دے آکھے لگے
جہیناں پاک نگاہاں ہوئیاں َ سے کہیں نہیں جاندے ٹھگے
کالے پٹ نہ چڑھے سفیدی ، کاگ نہ تھیندے بگے
شاہ حسین شہادت پائین ، جو مرن متراں دے اگے ​

ترجمہ
اے دوستو ہم آنکھوں کے کہنے پر لگ چکے ہیں کیونکہ پاک نگاہوں والے کہیں بھی لوٹے نہیں جاتے۔ سیاہ ریشم پر سفیدی نہیں چڑھ سکتی اور نہ کبھی کوے سفید ہو سکتے ہیں۔ اے شاہ حسین جو اپنے محبوب کی خاطر جان سے گزر جاتے ہیں ان لوگوں کو ہی شہادت کا مرتبہ نصیب ہوتا ہے۔