ذرہ ذرہ تنکا تنکا بھر پور حضور دے نوروں پتہ پتہ ڈالی ڈالی معمور حضور دے نوروں سورج چن ستارے سارے پرنور حضور دے نوروں اعظم کل ہنیرے جگ دے ہووے دور حضور دے نوروں دل دا درد تے سوز جِگر دا اے اشک آلود نگاہاں ایہہ گوہر نہ وچ دُکاناں نہ ایہہ وِچ خزانے شاہاں بڑے نصیب ہوون تد لبھن ایہہ یار سجن دیاںراہاں اعظم عشق رسول دی نعمت کدوںملدی اے گمراہاں کیوںمخلوق دے دل نہ بھانواں میں تے گیت رسول دے گاواں کیوں نہ دنیا وچ سکھ پاواں میں تے گیت رسول دے گاواں کیوں نہ ماناں ٹھنڈیاں چھانواں میں تے گیت رسول دے گاواں اعظم دوزخ میںکیوں جانا میں تے گیت رسول تے گاواں آکھن نوں تے سب جگ سوہنا میرے یار جہیا نہ کوئی ویکھ کے جس دے نین رسیلے سب خلقت کملی ہوئی حسن یوسف ایک جلوہ اس دا جنہوں ویکھ زلیخا موئی اعظم جو اس در توں ردیا اوہنوں کدھرے ملے نہ ڈھوئی یہ کلام میرے بہت ہی پیارے اور محترم دوست جناب الکرم صاحب کی خدمت میں پیش کیا گیا ہے۔
جواب: شان مصطفی صلی اللہ علیٰ سیدنا ومولانا محمد خاتم النبین و رحمت اللعالمین وعلی آلہ وصحبہ وبارک وسلم
