شاخ در شاخ مہکتے گلِ تر تیرے ہیں ۔۔حسین سحرؔ

حمد باری تعالیٰ​

شاخ در شاخ مہکتے گلِ تر تیرے ہیں
چمنِ دہر میں سب برگ و شجر تیرے ہیں

آسمانوں کی بلندی پہ ہیں رستے تیرے
طائروں کو جو اُڑاتے ہیں وہ پر تیرے ہیں

تو ہی گرداب اٹھاتا ہے رواں موجوں میں
سیپیوں میں جو چھپے ہیں وہ گہر تیرے ہیں

روز و شب کی یہ تجلی ہے ترا عکسِ جمال
جگمگاتے ہوئے یہ شمس و قمر تیرے ہیں

دل دھڑکتے ہیں تیرے نام کی آواز کے ساتھ
شاد و آباد جو سینوں میں ہیں گھر تیرے ہیں

تیری الفت کے سوا ان میں نہیں ہے سودا
تیری درگاہ میں جھکتے ہوئے سر تیرے ہیں

نور و ظلمت تری تخلیق ہیں اے خالق کل
حلقئہ وقت میں یہ شام و سحرؔ تیرے ہیں
------
حسین سحرؔ
مجموعہ نعت ﷺ " تجلی "​

​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

السلام علیکم ورحمتہ اللہ وبارکاتہ
سبحان اللہ
بہت عمدہ
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین​

 

شاخ در شاخ مہکتے گلِ تر تیرے ہیں
چمنِ دہر میں سب برگ و شجر تیرے ہیں​

 

روز و شب کی یہ تجلی ہے ترا عکسِ جمال
جگمگاتے ہوئے یہ شمس و قمر تیرے ہیں ​

 

نور و ظلمت تری تخلیق ہیں اے خالق کل
حلقئہ وقت میں یہ شام و سحرؔ تیرے ہیں​

 

ثم آمین یا رب العالمین