سیف الملوک جھیل سے داسو سے عشق ہے

مادرِ وطن پاکستان سے محبت میں ڈوبی ایک چھوٹی سے غزل

سیف الملوک جھیل سے داسو سے عشق ہے
دیبل سے ہم کو پیار ہے کے ٹو سے عشق ہے
دھرتی کا ایک ایک ہے ٹکڑا ہمیں عزیز
سیدو، قصور، کوٹری، دادو سے عشق ہے
پشتو، شینا، کھووار ہو، سندھی، سرائیکی
صدیوں سے ہر زبان کو اردو سے عشق ہے
بیرونِ ملک نور کی برسات ہے تو کیا
ہم کو تو اپنے دیس کے جگنو سے عشق ہے
بھاتی نہیں ہیں لندن و پیرس کی عطریات
گوہر ہمیں تو خاک کی خوشبو سے عشق ہے

حبیب گوہر​

 

واہ واہ زبردست