سہا جائے نہ اب یہ دردِ ہجراں یا رسول اللہ صل اللہ علیہ وسلم ۔ نیا نعتیہ ہدیہ کلام

اللھم صل علی سیدنا ومولانا محمد وعلی آلہ وصحبہ وبارک وسلم

سہا جائے نہ اب یہ دردِ ہجراں یارسول اللہ
زیارت کا ذرا ہوجائے ساماں یا رسول اللہ

بڑے خوش بخت ہیں جن کومدینے آپ بلوالیں
میرے بھی نام کا جاری ہو فرما ں یا رسول اللہ ؐ

اگر طائر جو میں ہوتا سوئے طیبہ میں اڑ جاتا
مگر ہوں عاجز و مجبور انساں یا رسول اللہ

تمنا ہے یہ پروانے کی اُس محفل میں جل جاوں
جہاں شمعِ رسالت ہے فروزاں یا رسول اللہ ؐ

وہ جس کی دید سے بیمارِغم پائیں شفا ہردم
دکھا دیجئےکبھی وہ روئے تاباں یارسول اللہ ​

نہ قرنی ہوں نہ حبشی ہوں نہ رومی ہوں نہ جامی ہوں
مگر دیدارکا ہوں میں بھی خواہاں یا رسول اللہ

میری کُٹیا بھی عکسِ عرش بن جائے میرے آقاؐ
جو آئیں آپ میرے بن کے مہماں یا رسول اللہ ؐ

بڑی ظلمت ہے عصیاں کی، غموں کا گھپ اندھیرا ہے
جو آپ آئیں تو گھر میں ہو چراغاں یارسول اللہ

یہی ہے آرزو میری یہی حسرت دم ِ آخر
کروں دیدار جب نکلے میری جاں یا رسول اللہؐ

قبر کی خوفناکی میں ، حشر کی ہولناکی میں
چھپا لیں مجھ کو اپنے زیرِ داماں یا رسول اللہ ؐ

رضا علم وسخن کے زیروبم سے ناشناسا ہے
مگر ہے آپ کا ادنیٰ ثنا خواں یا رسول اللہ ؐ

ہدیہ کلام: محمد نعیم رضا قادری۔ ہفتہ 11جون2016۔ ویانا​

 

شکریہ محترم بھائی ۔ جزاک اللہ خیر

 

شکریہ پیارے بھائی ۔د عاؤں میں یاد رکھا کریں۔ا للہ کریم آپکو بار بار مدینہ شریف دکھائے۔ آمین

 

حوصلہ افزائی کےلیے ممنون ہوں محترم سید صاحب۔ دعاؤں کی التماس ہے۔ جزاک اللہ خیر

 

میری کُٹیا بھی عکسِ عرش بن جائے میرے آقاؐ
جو آئیں آپ میرے بن کے مہماں یا رسول اللہ ؐ

صل اللہ تعالی علی حبیبہ وآلہ وسلم

 

صل اللہ تعالی علی حبیبہ وآلہ وسلم

 

شکریہ عقرب بھائی ۔ جزاک اللہ

 

کثیرا کثیرا
جزاک اللہ خیر

 

خوبصورت ہدیہ جزاک اللہ خیراً

 

پسندیدگی کا شکریہ ۔ جزاک اللہ خیرا

 

اسلام ولیکم ماشاءاللہ آپ کا کا کلام بہت اچھا ہے میری بھی کچھ نعت حمد اور نظمیں موجود ہیں برائے مہربانی ملاخظہ فرمائیں تصحیح فرمائیں اور مفید مشورے عنایت فرمائیں۔ آپ فیس بک یا میسینجر پر بھی رابطہ کر سکتے ہیں

 

ماشاءاللہ۔ محترم ارشد بھائی آپ صاحبِ مشق شاعر ہیں میں طالبعلم کیا جسارت کرسکتا ہوں۔
جزاک اللہ خیر