سکیورٹی خدشات، سری لنکن کھلاڑیوں کو دورہ پاکستان پر تحفظات

سکیورٹی خدشات، سری لنکن کھلاڑیوں کو دورہ پاکستان پر تحفظات

سری لنکا کے دورہ پاکستان کے حوالے سے تشویشناک خبریں سامنے آنا شروع ہو گئی ہیں، مہمان ٹیم کے چند کھلاڑی سکیورٹی خدشات کے باعث پاکستان آ کر کھیلنے پر ہچکچاہٹ کا شکار ہیں۔

میڈیا رپورٹ کے مطابق تھیسارا پریرا، نیروشن ڈکویلا سمیت دیگر کھلاڑیوں نے اپنے بورڈ سے دورہ پاکستان کے بجائے کیریبین پریمیئر لیگ کھیلنے کیلئے اجازت طلب کی ہے۔ سری لنکن میڈیا کے مطابق کھلاڑیوں کو سی پی ایل کیلئے مشروط اجازت دی جا سکتی ہے، انہیں کہا جائے گا کہ اگر ضرورت محسوس کی گئی تو وہ قومی نمائندگی کیلئے دستیاب ہوں گے۔

کوچنگ سٹاف میں شامل رمیش رتنائیکے پاکستان آنے کیلئے راضی ہیں جبکہ سری لنکن ٹیم کے کوچنگ سٹاف کیلئے مکی آرتھر اور گرانٹ فلاور کے نام بھی زیر غور ہیں، ان کی تقرری سے پاکستان کے دورے میں آسانیاں پیدا ہو جائیں گی۔​