میری ذاتی شاعری آپ کے لئے سپیڈ بریکر زندگی کی گاڑی وقت کی سڑک پہ کتنی تیز چل رہی ہے برس یوں گزر رہے ہیں جیسے کوئی انجانے اسٹاپ مگر جب بھی ان گزرتے دوڑتے برسوں میں 6 مئی کی تاریخ آتی ہے جیون کی اس گاڑی کو اک دھچکہ سا لگتا ہے یوں لگتا ہے جیسے اب یہ گاڑی چل نہ پائے گی مگر یہ ظالم اصول ہے اس سڑک پہ چلنے کا یہاں ہر اسٹاپ پہ لکھا ہوتا ہے نو اسٹاپ زندگی اپنا سفر کہیں بھی رکنے نہیں دیتی مگر یہ سچ ہے یہ ایک دن بھی بڑا بھاری پڑتا ہے