سوات میں 3000 سال پرانا قبرستان دریافت کر لیا

سوات: اطالوی ماہرین آثارقدیمہ نے 3000 سال پرانا قبرستان دریافت کیا ہے۔

​

سوات کے علاقے اوڈی گرام میں اطالوی ماہرین آثار قدیمہ نے ایک قدیم قبرستان دریافت کیا ہے جس کے لئے اندازہ لگایا گیا ہے کہ یہ 500 سے 1500 قبل از مسیح کے درمیان بنایاگیا تھا۔
قبرستان سے مجموعی طور پر 23 قبریں ملی ہیں جو بدھ مت کے دور سے قبل کی لگتی ہیں۔یہاں سے کاپر کی بنی کانوں کی بالیاں بھی ملی ہیں۔ یہ علاقہ منفرد پرانی قبروں، کانسی اور کاپر کے بنے زیورات ، چرخوں اور مٹی کے برتنوں کا مرکز تھا ۔
اطالوی ماہر رابر ٹو مائیکل کا کہنا ہے کہ کچھ قبروں میں دو دو ڈھانچے ہیں ، ایک قبر میں دو دو لاشیں اس طرح آمنے سامنے رکھی ہوئی ملی ہیں جیسے وہ رشتہ دار ہوں قبروں کی تعمیر بھی منفرد ہے، کچھ کی دیواریں چھوٹی اور مٹی کی بنی ہیں۔
سائٹ پر کام کرنیوالے ماہرین کا کہنا ہے کہ سوات میں ایسی مزید سیکڑوں قبریں ہو سکتی ہیں جبکہ دوسری تہذیبوں کی طرح وہاں سے کوئی اسلحہ برآمد نہیں ہوا۔
اوڈی گرام آٹھویں اور دسویں صدی میں ہندوشاہی دور میں سوات کا دارالحکومت تھا۔ اوڈی گرام وہ شہر تھا جہاں سکندر اعظم نے کئی جنگوں میں سے ایک جنگ بھی لڑی تھی۔

بشکریہ امن نیوز

 

جواب: سوات میں 3000 سال پرانا قبرستان دریافت کر لیا

ماہرین آثار قدیمہ کا یہ سبجیکٹ ہوتا ہے نا۔ یقینا انکے پاس کوئی نظام ہوگا۔