سر کو سجدے میں جب جھکاتا ہوں ۔ بلال رشید

سر کو سجدے میں جب جھکاتا ہوں
اک عجب سا سرور پاتا ہوں
روز کر کے تلاوت۔قرآن
نغمہء۔حمد گنگناتا ہوں
اس پہ ایمان اور بڑھتا ہے
ہاتھ بہرِ دعا اٹھاتا ہوں
جو حقیقت میں سب کا داتا ہے
حال۔دل اس کو ہی سناتا ہوں
رب سے ہی مانگتا ہوں میں سب کچھ
آس بندوں سے کب لگاتا ہوں
کون جانے کہ حمد کہنے سے
کس قدر اجر میں کماتا ہوں
مجھ کو کافی ہے بارگاہ ۔خدا
کب میں بندوں کے در پہ جاتا ہوں
یا الہی سلامتی ہو عطا ۔۔۔۔
روز بس یہ صدا لگاتا ہوں
خود دہ کہتا ہے اپنے بندوں سے
بگڑے سب کام میں بناتا ہوں
کہہ دیا رب نے،قلب۔مومن میں
ہو کے میں لامکاں سماتا ہوں
بے سبب کاش وہ مجھے بخشے
روز ارمان یہ سجاتا ہوں
اس کے پاتا ہوں ہر طرف جلوے
جس طرف بھی نظر گھماتا ہوں
ہر دعا میں مدینے والے کو
میں وسیلہ سدا بناتا ہوں
رکھ کے ایمان اس کی رحمت پر
رنج و غم میں بھی مسکراتا ہوں
حمد کہتے ہوئے بلال۔حزیں
عشق۔باری میں ڈوب جاتا ہوں
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین