سرکار دوجہان کے پیارے عمر عمر ۔۔ محمد طارق قادری،اعظم گڑھ ہند

سرکار دوجہان کے پیارے عمر عمر
مومن کی جان دیں کے ستارے عمر عمر

ہم بےکسوں کو اپنا بنائے عمر عمر
بخشش ہماری رب سے کرائے عمر عمر

اے ساریہ سنبھل زرا دشمن ہے حملہ ور
منبر پہ بیٹھے بیٹھے پکارے عمر عمر

رنج و الم کی دھوپ ستائے گی کس طرح
اوٹھے ہوئے ہیں ہم تو قبائے عمر عمر

اوروں کو دیکھو ٹکڑے پہ دنیا کے پل رہے
خوش قسمتی ہے ہم ہیں گدائے عمر عمر

ہوتا اگر نہ بند نبوت کا سلسلہ
قول نبیﷺ ہے، مرتبہ پاتے عمر عمر

روشن ہے باب آپ کے انصاف و عدل کا
قانون ایسا لکھ گئے پیارے عمر عمر

رشتے یہ کتنے پیارے ہیں اپنے امیر سے
ہم ہیں عمر کے اور ہمارے عمر عمر

پہلو میں مصطفیٰﷺ کے جہاں سوئے آپ ہیں
دیکھیں خدایا ہم وہ نظارے عمر عمر

احساں عظیم ہوتا اے سرکار ؓ آپ کا
طارق کو بھی جو در پہ بلاتے عمر عمر
------
محمد طارق قادری،اعظم گڑھ ہند​

 

سبحان اللہ جزاک اللہ