سراپا رحمت و شفقت مرے سرکار کی چوکھٹ ۔۔ فاتح چشتی مظفرپوری

سراپا رحمت و شفقت مرے سرکار کی چوکھٹ
ملاذ و مرجع امت مرے سرکار کی چوکھٹ

فراز عرش بھی جس کو سلامی پیش کرتا ہے
مطاف کعبۂ خلقت مرے سرکار کی چوکھٹ

شب اسرا کے دولہا کا تجھے لمس قدم حاصل
ترا اعلی قد و قامت، مرے سرکار کی چوکھٹ

سر عجز و نیاز و ناز، پر ارماں تجھی سے ہے
جبین عشق کی دولت مرے سرکار کی چوکھٹ

تخیل کا، تفکر کا، تصور کا یہی قبلہ
مدار خامۂ مدحت ،مرے سرکار کی چوکھٹ

نہیں محروم، سلطان وگدا تیری نوازش سے
تو ایسی قاسم نعمت ،مرے سرکار کی چوکھٹ

نگاہ و دل میں *فاتح* کے ترا ہی حسن بس جاۓ
تصور کو دے وہ قوت ، مرے سرکار کی چوکھٹ
----
*فاتح چشتی مظفرپوری*
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019​

 

شب اسرا کے دولہا کا تجھے لمس قدم حاصل
ترا اعلی قد و قامت، مرے سرکار کی چوکھٹ​

 

سر عجز و نیاز و ناز، پر ارماں تجھی سے ہے
جبین عشق کی دولت مرے سرکار کی چوکھٹ​

 

نہیں محروم، سلطان وگدا تیری نوازش سے
تو ایسی قاسم نعمت ،مرے سرکار کی چوکھٹ​

 

نگاہ و دل میں *فاتح* کے ترا ہی حسن بس جاۓ
تصور کو دے وہ قوت ، مرے سرکار کی چوکھٹ
​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​