سراپا راحت و رافت مرے سرکار کی چوکھٹ ۔۔ راجی مصباحی

سراپا راحت و رافت مرے سرکار کی چوکھٹ
مسلّم ہے تری رحمت مرے سرکار کی چوکھٹ

چلو اے ہجر کے مارو وہیں دھونی رماتے ہیں
دل مضطر کی ہے راحت مرے سرکار کی چوکھٹ

خدارا مرحمت کی اک نظر ڈالو بدل ڈالو
شکستہ حال کی حالت مرے سرکار کی چوکھٹ

شبانہ روز آتے ہیں فرشتے حاضری دینے
ہے عالی شان باعظمت مرے سرکار کی چوکھٹ

تری رعنائیوں پہ ہو گئ سو جان سے قرباں
بہار خلد کی فرحت مرے سرکار کی چوکھٹ

عقیدہ ہے سر محشر یقیناً رنگ لائے گی
ترے دیدار کی برکت مرے سرکار کی چوکھٹ

کرم راجی پہ فرماؤ تمہارے ہجر کی کلفت
نگاہ و دل کی ہے رحلت مرے سرکار کی چوکھٹ
----
راجی مصباحی
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

شبانہ روز آتے ہیں فرشتے حاضری دینے
ہے عالی شان باعظمت مرے سرکار کی چوکھٹ
​

 

عقیدہ ہے سر محشر یقیناً رنگ لائے گی
ترے دیدار کی برکت مرے سرکار کی چوکھٹ​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​