سخن وری بھی مرے واسطے دعا ٹھرے ۔ بلال رشید

سخن وری بھی مرے واسطے دعا ٹھرے
مرا وظیفہ اگر حمد کبریا ٹھر ے
جو خوش نصیب سخن ور ہمیشہ حمد کہے
سخن کے شہر میں وہ کیوں نہ رہنما تٹھر ے
یہاں بھی رکھ مجھے اپنی رضا کے سائے میں
وہاں بھی تیرا کرم میرا آسرا ٹھرے
دلوں میں جن کے ہو عرفان تیری عظمت کا
نظر میں ان کی بھلا اور کوئی کیا ٹھرے
ہزار بار میں تایب ہوں ایسے مسلک سے
ثواب جس میں بھی بندوں سے مانگنا ٹھہرے
ترے ہی فضل سے راہزن بھی ہوگے تایب
ترے ہی لطف سے فاسق بھی پارسا ٹھرے
سند جو تیری رضا کی عطا کرے مجھ کو
میری نگاہ میں وہی کام کیمیا ٹھرے
یہ مہر و ماہ ہوئے جس کے حکم سے روشن
اسی کے نور سے تارے بھی پرضیا ٹھرے
رہے بلال سدا دور ایسے کاموں سے
جو کام چشم شریعت میں ناروا ٹھرے
ہو ہر گھڑی مرے دل میں اس کی یاد بلال
اسی کا ذکر مرے لب پہ ہر ادا ٹھرے
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین