سب کا ہے تو سہارا اے دوجہاں کے مالک ۔ بلال رشید

سب کا ہے تو سہارا اے دوجہاں کے مالک
ہے سب کا تجھ سے ناطہ اے دوجہاں کے مالک
ہر دل میں تو مکیں ہے کس جا پہ تو نہیں ہے
ہر سو ہے تیرا جلوہ اے دو جہاں کے مالک
تو لاشریک و یکتا ہے زات میں خدایا
ہے کون تیرے جیسا اے دو جہاں کے مالک
لب پر تری ثنا ہے تو ہی مرا مدعا ہے
ہے دل ترا تھکانہ اے دوجہاں کے مالک
واحد بھی تو احد بھی واجد بھی تو صمد بھی
ماجد بھی نام تیرا اے دوجہاں کے مالک
سارے جہاں کا حاکم ہے تو ہی رب اکرم سب پ
ر ہے تیرا قبضہ اے دوجہاں کے مالک
مانا تو بے نشاں ہے پر سب میں تو عیاں ہے
ہر جا میں تجھ کو پایا اے دوجہاں کے مالک
اعلی بھی تو علی بھی سب کا ہے تو ولی بھی
چلتا ہے حکم تیرا اے دوجہاں کے مالک
مشکل میں انبیا بھی اقطاب و اولیا بھی
تیرا ہی لیں سہارا اے دوجہاں کے مالک
ہر پل بلال مضطر بس مانگتا ہے روکر
تیرے کرم کا سایہ اے دوجہاں کے مالک
-----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین