سب پہ واجب ہے خدائے لم یزل تیری ثنا ۔

سب پہ واجب ہے خدائے لم یزل تیری ثنا
رنج و غم میں ہر بشر دیتا ہے تجھ ہی کو صدا
تو ازل سے کامل و محمود ہے اے کبریا
ہاں یہی کہتے رہے ہیں سب رسول و انبیا
یا الہی کیسے ہو اندازہ تیری شان کا
فکر انساں ہے بہت محدود اے میرے خدا
تیرے بندے چھوڑ کر تجھ کو بھلاجائیں کہاں
کون ہے تیرے علاوہ بے کسوں کا آسرا
دائمی تیری حکومت ہے میرے پروردگار
کیوں کہ باقی سب ہیں فانی ایک تو ہے لافنا
کم نہیں یہ بھی ترا احسان اے رب کریم
تو نے جو مجھ کو کیا ہے مائل حمد و ثنا
کہکشائیں تیرے ہی انوار سے روشن ہوئیں
چاند تاروں میں ترا ہی نور ہے جلوہ نما
تو بلا تفریق کرتا ہے کرم ہر ایک پر
تو نہیں دیتا ہمیں فورا گناہوں کی سزا
ذکر تیرا خشکیوں کی بھی زباں پر ہے رواں
حمد پڑھتا ہے سمندر ہرگھڑی تیری خدا
تو نے ہی یہ لالہ زاروں سے سجایا ہے جہاں
آبشاروں میں بھی تیرے حسن کا ہے سلسلہ
داخل فردوس کر مولا تو مجھ کو بے حساب
ہے یہی تجھ سے بلال بے نوا کی التجا
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین