سب اشک گہُر کب ہیں، بہانے کے لئے ہیں

غزل

سب اشک گہُر کب ہیں، بہانے کے لئے ہیں
جو خاص ہیں پلکوں پہ سجانے کے لئے ہیں

بے لوث محبت نہیں پابندِ تعلق
کچھ ربط ہیں جو صرف نبھانے کے لئے ہیں

الفاظ میں لپٹی ہویں ہیں کلفتیں دل کی
کچھ آگ ہیں کچھ آگ بجھانے کے لئے ہیں

ڈھلتا يہ حسن , جادو نظر ترکشِ مژگاں
کچھ تیر بچے اب بھی چلانے کے لئے ہیں

یہ درد ہیں حاصل مری شوریدہ سری کے
یہ زخم تو سینے پہ سجانے کے لئے ہیں

ساقی پلا کچھ ایسی اب پیاس ہو یہ کم
سب جام ترے آگ لگانے کے لئے ہیں

عریاں ہیں پیکرِ جاں تکریم بے اماں
اب چادریں قبروں پہ چڑھانے کے لئے ہیں

 

ماشاءاللہ بہت اچھے خیالات ہیں

 

بہت خوب ڈاکٹر صاحب ، آپ کی آمد سے دل کو بڑی تقویت ملی ہے، خدا آپ کو سلامت رکھے،آمین۔

 

خان بھائی ڈاکٹر صاحب کی ٖزل بہت خوبصؤرت ہے ،بس پہلا مصرح مجھ پر پوری طرح واضع نہیں ہوا۔کچھ مدد فرمایئے

 

سب اشک گہُر کب ہیں، بہانے کے لیے ہیں
جو خاص ہیں پلکوں پہ سجانے کے لیے ہیں۔۔۔کچھ یہی انداز غالب کے اِس شعر کا ہے۔۔۔۔۔۔۔۔۔۔۔۔۔۔۔سب کہاں کچھ لالہ و گل میں نمایاں ہوگئیں ۔۔۔۔خاک میں کیا صورتیں ہونگیں کہ پنہاں ہوگئیں
(مطلب)تمام آنسو تو قیمتی موتی نہیں ہوتے ،وہ تو صرف بہانے کے لیے ہوتے ہیں،۔۔۔۔۔۔۔۔۔۔۔۔۔۔۔۔(کہ دل کی بھڑا س نکل جائے)
البتہ خاص لوگوں کی یاد میں یا فراق میں یا فکر میں یا خیال میں بہائے جانے
والے آنسو وہ قیمتی گوہر ہیں جو آنکھوں کی آرائش اور پلکوں کی زیبائی ہیں ،۔۔۔۔۔۔۔۔۔۔۔۔۔۔دل سے مٹنا تری انگشتِ حنائی کا خیال
اور اگر اِس شعر کو عشقِ حقیقی کے تناظر میں لیں تو گویاقصہ ہی تمام ہوا ۔۔۔۔۔۔۔۔۔۔۔۔۔۔۔۔۔۔۔۔۔ہوگیا گوشت سے ناخن کا جدا ہوجانا۔۔۔(غالب)
عشق کی اک جست نے طے کردیا قصہ تمام۔۔۔۔اِس زمین و آسماں کو بیکراں سمجھا تھا میں۔۔۔۔۔(اقبال)
یعنی خدا کی یاد ،خدا کے خوف اور خدا سے دعا کے وقت اشک کا جو ایک قطرہ آنکھ
سے ڈھلک گیا اُس کی قدروقیمت کا اندازہ تولگانا ہی ممکن نہیں۔۔وہ توچشمِ انسانی کے لیے
ایسا اعزاز ہےجو توفیقِ ایزدی سے ہی میسر آتا ہے۔۔۔۔۔۔۔۔۔۔۔۔۔۔۔۔۔۔۔۔۔۔
یہاں اشک مفرد لفظ ہے اور گہر بھی واحدہے اِ سے اشکِ گہر مت پڑھ لیجیے۔۔۔۔۔۔۔۔۔۔۔۔۔۔۔۔۔۔۔۔۔
گا ویسے بھی اشکِ گہر نہیں گہرِ اشک ہوتا ہے جو ایک خوبصورت ترکیب ہے:۔۔۔۔۔۔۔۔۔۔۔۔گوہرِ اشک سے لبریز ہے سارا دامن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آج کل دامنِ دولت ہے ہمارا دامن۔۔۔۔۔(خواجہ محمد وزیر)​

تیری یاد میں جل کر دیکھ لیا اب آگ میں جل کر دیکھیں گے
اِس راہ میں اپنی موت سہی۔۔۔ یہ راہ بھی چل کر دیکھیں گے۔۔۔۔۔۔۔۔۔۔۔۔۔۔۔(راجندرکرشن)

لبِ لباب:
تمھاری یاد کی شدت میں بہنے والا اشک
زمیں میں بودیا جائے تو آنکھ اُگ آئے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔(حارث بلال)

۔۔۔۔۔​

رگوں میں دوڑتے پھرنے کے ہم نہیں قائل
جب ۔آنکھ ۔سے ،ہی نہ ٹپکا، ، ، تو پھر لہو کیا ہے!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اُمید ہے بلکہ ڈاکٹر صاحب سے درخواست ہے کہ اِس ضمن میں آپ بھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کچھ اِرشاد فرمائیں ،انتظار رہے گا۔

 

بہت خوب خان بھائی

 

بہت عمدہ و بہترین کلام