سارے دریاوں آبشاروں کی ۔ بلال رشید

سارے دریاوں آبشاروں کی
حمد فطرت ہے چاند تاروں کی
اپنی رحمت سے خالق اکبر
لاج رکھتا ہے بے سہاروں کی
ہے چمک ساری حکم داور سے
رات میں دل نشیں نظاروں کی
حمد فضل خدا کا رستہ ہے
کاش سمجو زباں اشاروں کی
حمد کرنے سے ہی بڑھی شوکت
اہل بیت اور چار یاروں کی
ساری نکہت ہے قدرت حق سے
بزم کونین میں بہاروں کی
راہ حق میں جو مال دیتے ہیں
خیر ہو ایسے مال داروں کی
کون سنتا ہے کبریا کے سوا
درد مندوں کی بے سہاروں کی
کوئی دیکھے نماز اور تسبیح
کربلا میں نبی کے پیاروں کی
روز محشر بلال لاج رہے
جام وحدت کے بادہ خاروں کی
-----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین