زیست کوپربہار کرتا ہوں ۔ بلال رشید

زیست کوپربہار کرتا ہوں
حمد پروردگار کرتا ہوں
خود کو پاتا ہوں حمد سے عاجز
نعمتیں جب شمار کرتا ہوں
بے سبب بخشش دے مجھے مولا
یہ دعا بار بار کرتا ہوں
اس کی نسبت سے ہی میں بندوں سے
رابطہ استوار کرتا ہوں
میں مسلمان ہونے پر اپنے
شکر اس کا ہزار کرتا ہوں
اپنی جاں اور بال بچے بھی
اس کے دیں پر نثار کرتا ہوں
حمد اور نعت پاک کہنے پر
برملا افتخار کرتا ہوں
سر جھکا تا ہوں اس کے ہی آگے
خود کو یوں باوقار کرتا ہوں
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین