زنیرہ عقیل کی اصلاح طلب شاعری

جذاک اللہ خیرا کثیرا

 

آج دیکھے ہیں فرشتوں کے پہناوے میں "گُل"
جنکے چہرے پہ ریاکاری سجی رہتی ہے

زنیرہ "گُل"​

 

سلجھے سلجھے رہنے والے
چھوٹے سے دالان میں بیٹھے
کرسی پر اخبار وہ پڑھ کر
ہاتھ سے میری چائے لے کر
شفقت بھرا ہاتھ میرے سر رکھ کر مسکرانے والے
مجھ کو دعائیں دینے والے
جنت میں اب رہنے ولے
پاپا بہت یاد آتے ہیں

زنیرہ گُل

 

کیا آپ کے پاپا...............؟

سیم ہئیر

 

پہناوے میں ھ کو گرائیں تو مصرع وزن پر رہے گا

اور پہناوے میں ھ کا گرانا کہیں نظر سے نہیں گزرتا

عمدہ تخیل ہے

اللہ کرے زور قلم اور زیادہ

(یہ ججنگ نہیں ہے عالی جاہ، حصول علم کی خاطر اپنی بات رکھی ہے)

 

شور تو ہے مگر مُبہم سا ہے
اور مسّرت بھی کچھ پُرنم سا ہے
جانے یہ کیسا دور آیا ہے
مسکرانے میں ایک غم سا ہے
اب نہ رشتوں میں شناسائی ہے
اور قرابت میں ایک خم سا ہے
اب نہ احساس ہے کسی کا گُل
دل تو ہے پر دِلِ صنم سا ہے


زنیرہ گُل

 

بہت بہت شکریہ

 

جی میرے پاپا

بہت دکھ ہوا

 

اللہ تعالیٰ ہم دونوں کے پاپاؤں کو جنت الفردوس میں اعلی سے اعلی مقام عطا فرمائے

 

آمین ثم آمین

 

طلب اصلاح

شور تو ہے مگر مُبہم سا ہے
اور مسّرت بھی کچھ پُرنم سا ہے
جانے یہ کیسا دور آیا ہے
مسکرانے میں ایک غم سا ہے
اب نہ رشتوں میں شناسائی ہے
اور قرابت میں ایک خم سا ہے
اب نہ احساس ہے کسی کا گُل
دل تو ہے پر دِلِ صنم سا ہے


زنیرہ گُل

 

پہلا شعر اور تیسرے شعر کا مصرع اولی بے وزن ہو گیا ہے

باقی کلام بہت عمدہ ہے

ردیف و قافیہ کا استعمال بہت اچھا ہے

 

بہت شکریہ اب درستگی بھی آپ ہی فرمائیے

 

بندہ نماز کے بعد حاضر ہوتا ہے

(اب تو جاتے ہیں مے کدے سے میر)

 

آپ کو اشعار کو کچھ اس طرح ترتیب دیا ہے اگر پسند آئے تو۔

 

اب نہ رشتوں میں شناسائی ہے
اس کو یوں کر لیں
اب نہ رشتوں کی کوئی عزت ہے

مطلع میں دونوں قافیے وزن کو بگاڑ رہے ہیں
اس لیے قافیے بدلنے پر مفہوم بھی کچھ بدلے گا
تو بہتر رہے گا اگر اگر آپ خود اپنی ہی فکر مطلع میں دوبارہ لائیں

 

شکریہ مگر عزت اور شناسائی مختلف ہیں
اپنا ئیت نہیں رشتوں میں اب
یہ کیسا رہےگا؟

 

بہت بہت شکریہ محترم

 

میرے شہر کی فضائیں رو رو کے کہہ رہی ہیں
دم میرا گٹھ رہا ہے مجھے اور نہ اجاڑو
زنیرہ ”گل”​

 

قطر ے قطرے کو ترساتے ، بندے با اختیار ہوتے
اگر یہ رزق کا ذمہ، میرے رب خود نہ اٹھاتے

زنیرہ "گُل"

 

قفس میں ساتھ ہے جن کے خیال لالہ وگل
تمام عمر کبھی باغ کی ہوس نہ کریں

 

لڑکی کو دوسرے کے گھر کا کوڑا جو سمجھتے ہیں
وہ رحمتِ الٰہی کی بہت تضحیک کرتے ہیں

زنیرہ گُل​

 

آفتابِ حشر جو کہتا تھا وہی شخص
آج اندھیروں کی نظر کر گیا مجھے

زنیرہ "گُل"

 

مڑ کے دیکھا تو مرے دل کی عجب حالت ہوئی
جانبِ منزل چلی اور پیچھے منزل رہ گئی

زنیرہ "گُل"​

 

دل یہ کرتا ہے کہ چوکھٹ پہ سجا دوں آنکھیں
ان کا آنا ہو تو پیروں میں بِچا دوں آنکھیں
آسمانوں کی بلندی پہ رہے جن کا خُلق
ایسے کردار سے کیسے میں ملا دوں آنکھیں
تصفیہءِ قلب کو محکومِ زمانہ ہو کر
اک تسلی کے لیے در پہ جلا دوں آنکھیں
وہ اگر گُل کے گلستاں میں قدم رکھ دے تو
گل کا وعدہ ہے گلستاں میں اُگا دوں آنکھیں

" زنیرہ گُل"

 

سفر دشوار ہے ہمدم
بہت بیکار ہے ہمدم
اگر تنہا چلا جائے
تو رستہ طول پکڑتا ہے
تھکا ہارا بدن اپنا
ٹھِکانے کو ترستا ہے
نہ سر پہ چھاؤں ہوتی ہے
قمر شعلے برساتا ہے
اور منزل دور ہوتی ہے
نگاہ بے نور ہوتی ہے
اگر وہ ساتھ ہوتا ہے
ہاتھوں میں ہاتھ ہوتا ہے
تو دل مسرور رہتا ہے
نظر پرُنور رہتا ہے
اگر وہ ساتھ چلتا ہے
تو جیسے دھوپ میں چھاؤں
کا سا احساس ہوتا ہے
فکر آزاد کرتی ہے
سفر جتنا بھی لمبا ہو
اگر وہ پاس ہوتا ہے
سفر آساں نہیں ہوتا
اگر تنہا چلا جائے ...

زنیرہ گُل

 

لوگ اپنے دکھوں سے خائف ہیں
دردِ دنیا سمیٹے ہیں "گُل " نے

زنیرہ گل

 

آراستہ تو خیر نہ تھی زندگی کبھی
پر تجھ سے قبل اِتنی پریشان بھی نہ تھی

 

غم ہی لے دے کے مری دولتِ بیدار نہیں
یہ خوشی بھی ہے میسر، کوئی غم خوار نہیں