زمیں آسماں میں مکاں لا مکاں میں۔۔۔

زمیں آسماں میں مکاں لا مکاں میں
کوئی آپ سا ہے نہیں ہے نہیں ہے
وہ سدرہ کا راہی حبیبِ الہیٰ
کوئی دوسرا ہے نہیں ہے نہیں ہے

سبھی دائیوں نے حلیمہ سے پوچھا
تیرے پاس کیا ہے تو بولی حلیمہ
اسے دیکھ کر تم بتاؤ کہ ایسا
کسی کو ملا ہے نہیں ہے نہیں ہے

سبھی انبیاء دے رہے ہیں گواہی
وفادار ہیں مصطفیٰ کے الہیٰ
جو بندہ نہیں ہے میرے مصطفیٰ کا
وہ بندہ خدا کا نہیں ہے نہیں ہے

کہاں تک کرے کوئی توصیف انکی
خدا جب کہ کرتا ہے تعریف انکی
ظہوری کسی سے نبیﷺ کی ثنا کا
ہو حق ادا ہے نہیں ہے نہیں ہے

(محمد علی ظہوری قصوری)