زخم پھائے ہُوئے تیری دہلیز پر ۔۔ مسعود علی شاہ

زخم پھائے ہُوئے تیری دہلیز پر
غم پرائے ہُوئے تیری دہلیز پر

اب یہاں سے نہیں ہیں کہیں جانے کے
لطف پائے ہوئے تیری دہلیز پر

بخشوا لے چلے اپنی جانوں کے ظلم
تھے بُلائے ہُوئے تیری دہلیز پر

آسماں جیسے بادل کا محراب ہو
نور چھائے ہُوئے تیری دہلیز پر

غم کے مارے ہُوئے تھے، مگر آئے ہیں
مُسکرائے ہُوئے تیری دہلیز پر

بہرِ خیراتِ نعتِ کرم، اپنا دل
ہیں بچھائے ہُوئے تیری دہلیز پر

ہم ہی ہیں جو اُٹھیں گی بہ حفظ و اماں
ہم گرائے ہُوئے تیری دہلیز پر

آئے، اور ساتھ تسکینِ جاں لے گئے
جو ستائے ہُوئے تیری دہلیز پر

ہائے لمحات مقصود کی عمر کے
جب تھے آئے ہُوئے تیری دہلیز پر
-----
Maqsood Ali Shah
مسعود علی شاہ



​

 

غم کے مارے ہُوئے تھے، مگر آئے ہیں
مُسکرائے ہُوئے تیری دہلیز پر​

 

بہرِ خیراتِ نعتِ کرم، اپنا دل
ہیں بچھائے ہُوئے تیری دہلیز پر
​

 

سبحان اللہ & جزاک اللہ

 

اللہ تعالٰی آپ کو بھی جزائے خیر عطا کرے آمین

​