زبان عشق کی مدحت مرے سرکار کی چوکھٹ ۔۔ ابرار احمد سمستی پور

زبان عشق کی مدحت مرے سرکار کی چوکھٹ
بدل دے گی چلو قسمت مرے سرکار کی چوکھٹ

چمن زار جہاں سے آرہی ہے یہ صدا پیہم
گلوں کی ایک ہی چاہت مرے سرکارکی چوکھت

سکون جاں مدینہ تو قرار دل ہرا گنبد
غموں آلام میں فرحت مرے سرکار کی چوکھٹ

پریشاں حال پہنچا جب مدینہ توکہا اس نے
"دل مضطر کی ہے راحت مرے سرکار کی چوکھٹ"

خدائے پاک کی مخلوق تیری سمت آتی ہے
وہ رب نے دی تجھے عظمت مرے سرکار کی چوکھٹ

ہے باغ خلد کا سچ بولنا وہ کیا ذرا سنئے
ملی تجھ سے مجھے زینت مرے سرکار کی چوکھٹ

رسول ہاشمی کے نعتیہ اشعار کہنے سے
ہوئی ابرار کی شہرت مرے سرکار کی چوکھٹ
-----
ابرار احمد سمستی پور
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

زبان عشق کی مدحت مرے سرکار کی چوکھٹ
بدل دے گی چلو قسمت مرے سرکار کی چوکھٹ
​

 

خدائے پاک کی مخلوق تیری سمت آتی ہے
وہ رب نے دی تجھے عظمت مرے سرکار کی چوکھٹ
​

 

رسول ہاشمی کے نعتیہ اشعار کہنے سے
ہوئی ابرار کی شہرت مرے سرکار کی چوکھٹ​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​