زبان شاہ ہدیٰ لا الٰہ الا اللہ - حبیب سرور عزیزی

زبان شاہ ہدیٰ لا الٰہ الا اللہ
خدا کی حمد و ثنا لا الٰہ الا اللہ

وقار ذوق وفا لا الٰہ الا اللہ
یقین ذات خدا لا الٰہ الا اللہ

اسی سے کافرو مومن میں امتیاز ہوا
ہے اعتراف خدا لا الٰہ الا اللہ

وہ غار ثور ہو اے دوستوکہ غار حرا
بس آرہی ہے صدا لا الٰہ الا اللہ

بزرگ جتنے ہوئے سب کا یہ وظیفہ تھا
ہر ایک صبح و مسا لا الٰہ الا اللہ

جدھر جدھر سے بھی گذرے میرے نبی کے قدم
ہر ایک شے نے کہا لا الٰہ الا اللہ

فنا زمانے کی ہر شے کو ہے یہاں لیکن
امین عمر بقا لا الٰہ الا اللہ

اجالا کلمۂ طیب کا حشر تک ہوگا
اندھیری شب کا دیا لا الٰہ الا اللہ

نصیب اسکو ہوا قرب رب اکبر کا
جو ورد کرتا رہا لا الٰہ الا اللہ

بصد خلوص یہ ورد زباں رہے یارو
حریف جملہ بلا لا الٰہ الا اللہ

سکون قلب جو چاہو تو یہ پڑھو ہردم
لگائو دل سے صدا لا الٰہ الا اللہ

خدائے پاک یہ توفیق دے مجھے سرورؔ
یہی پڑھوں میں سدا لا الٰہ الا اللہ​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین