روبرو جب کبھی سرکارﷺ کا روضہ دیکھا ۔۔سیدہ زینب سروری

روبرو جب کبھی سرکارﷺ کا روضہ دیکھا
اوج پر اپنے مقدر کا ستارہ دیکھا

جب زیارت کی ترا نقشِ کفِ پا دیکھا
موجزن بحر عقیدت کا سراپا دیکھا

جس کی وسعت میں ہیں یہ ارض و سماوات بھی گُم
آپ کی رحمت و رافت کا وہ دریا دیکھا

دیکھتے رہ گۓ ہم گنبدِ خضرا کا جمال
عکس آئینہ دل میں بھی اُسی کادیکھا

اس کی تقدیر پہ قدسی بھی کریں رشک مُدام
جس نے پہچان لیا حق، ترارستہ دیکھا

آپ کو یاد کیا اور مدد آ پہنچی
جب تلاطم میں گھرا اپنا سفینہ دیکھا

حق نے محبوب کو ہر بار سنایا مُژدہ
غمِ امت میں جو سروَر کو فسردہ دیکھا

یہ تصوّر جو کبھی اہلِ نظر نے باندھا
سبز گنبد پہ ملائک کو اترتا دیکھا

چاہنے والے ترے ذکر پہ نم دیدہ ہیں
حاضری کے لیۓ پھر دل کو تڑپتا دیکھا

مہ جبینوں نے ترے حسن کا صدقہ پایا
حسنِ یوسف کو ترا والہ و شیدا دیکھا

ہے مقدر کا دھنی وہ بھی کہ جس نے یا رب
خواب میں بھی شہِ دیں کا رخِ زیبا دیکھا

ہو گئیں مدح سرابلبلیں،گُل، برگ وشجر
در گلستاں جو ترا حسنِ دل آرا دیکھا

ہے قلم مُشکِ ختن، مدحتیں لکھتے لکھتے
حرف قرطاس پہ ایک ایک مہکتا دیکھا

دے دیا آپ کی رحمت نے سہارا اُس کو
جب بھی حالات سے زینب کو فسردہ دیکھا
------
سیدہ زینب سروری
​

 

روبرو جب کبھی سرکارﷺ کا روضہ دیکھا
اوج پر اپنے مقدر کا ستارہ دیکھا
​

 

جب زیارت کی ترا نقشِ کفِ پا دیکھا
موجزن بحر عقیدت کا سراپادیکھا
​

 

جس کی وسعت میں ہیں یہ ارض و سماوات بھی گُم
آپ کی رحمت و رافت کا وہ دریا دیکھا

​

 

دیکھتے رہ گۓ ہم گنبدِ خضرا کا جمال
عکس آئینہ دل میں بھی اُسی کادیکھا
​

 

اس کی تقدیر پہ قدسی بھی کریں رشک مُدام
جس نے پہچان لیا حق، ترارستہ دیکھا​

 

آپ کو یاد کیا اور مدد آ پہنچی
جب تلاطم میں گھرا اپنا سفینہ دیکھا
​

 

حق نے محبوب کو ہر بار سنایا مُژدہ
غمِ امت میں جو سروَر کو فسردہ دیکھا
​

 

یہ تصوّر جو کبھی اہلِ نظر نے باندھا
سبز گنبد پہ ملائک کو اترتا دیکھا​

 

چاہنے والے ترے ذکر پہ نم دیدہ ہیں
حاضری کے لیۓ پھر دل کو تڑپتا دیکھا​

 

مہ جبینوں نے ترے حسن کا صدقہ پایا
حسنِ یوسف کو ترا والہ و شیدا دیکھا
​

 

ہے مقدر کا دھنی وہ بھی کہ جس نے یا رب
خواب میں بھی شہِ دیں کا رخِ زیبا دیکھا
​

 

ہو گئیں مدح سرابلبلیں،گُل، برگ وشجر
در گلستاں جو ترا حسنِ دل آرا دیکھا

​

 

ہے قلم مُشکِ ختن، مدحتیں لکھتے لکھتے
حرف قرطاس پہ ایک ایک مہکتا دیکھا
​

 

دے دیا آپ کی رحمت نے سہارا اُس کو
جب بھی حالات سے زینب کو فسردہدیکھا
​

 

سبحان اللہ ۔ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​