رنگِ وطن

جواب: رنگِ وطن

دِھیاں دا دُکھ

باہر دی واء نہ لگن دِتّی
کر کے گھر وِچ بند
جمدے سار نصیباں سڑِیاں
قیدی ہوئیاں جیوندیاں موئیاں
کیویں مُکّن پندھ

سجادؔ بخاری​

 

جواب: رنگِ وطن

تہاڈی نکیاں نظماں دی چون بوہت سوہنی اے

 

جواب: رنگِ وطن

پسند کرن دا شکریہ سین جی، خوش رہوو۔

 

جواب: رنگِ وطن

دوہا

اِک کعبے دا وارث ساں‌، اَج کِنّے بُت خُدا
اِکّو مذہب قرآن دا، اَسّاں کِنّے لئے بنا

شاہدہؔ دلاور شاہ​

 

جواب: رنگِ وطن

نفع وڈّا کہ نُقصان

اِک واری جے
پھیرا پانویں
تیرا کُجھ
نقصان نئیں
نہ آنویں تے
میرے دل دا
بچدا کُل
جہان نئیں

شاہدہؔ دلاور شاہ​

 

جواب: رنگِ وطن

اِک منافق

اوس نے تھاں تھاں چرچا کیتا
میری ہر رُسوائی دا
اوس دے دل چ جو وی آیا
دسیا اوس زمانے نُوں
من دِیاں سدھراں من چ لوہیاں
ہاسے باہر سجائے
نہ میں دل دا بُوہا کھولیا
نہ کوئی گَل سنائی
اندر اندر سَڑ سَڑ مکّی
میں آں " اِک منافق"

شاہدہؔ دلاور شاہ​

 

جواب: رنگِ وطن

دو ضدی

ساریاں گلّاں وِچوں ساڈی
اِکّو گَل تے سانجھ
اوہ وی ضِد دا
پکّا سی تے
میں وی اکّھڑ مزاج
اوس نیں مینُوں
واج نہ دِتّی
میں نہ لبھیا ہور

شاہدہؔ دلاور شاہ​

 

جواب: رنگِ وطن

ماں

ماں ورگا گھن چھاواں بُوٹا
مینُوں نظر نہ آؤے
لے کے جس توں چھاں اُدھاری
رب نے سورگ بنائے
باقی کُل دُنیا دے بُوٹے
جڑ سُکیاں مر جاندے
ایہہ پر پُھلّاں دے مُرجھائیاں
ایہہ بُوٹا سُک جائے

موہنؔ سنگھ​

 

جواب: رنگِ وطن

دل

لکڑی ٹُٹیاں کِڑ کِڑ ہووے
شیشہ ٹُٹیاں تَڑ تَڑ
لوہا ٹُٹیاں کَڑ کَڑ ہووے
پتھّر ٹُٹیاں کھڑ کھڑ
لکھ شاباش عاشق دے دل نُوں
شالا رہے سلامت
جس دے ٹُٹیاں واج نہ نکلے
نہ کِڑ کِڑ نہ کَڑ کَڑ

موہنؔ سنگھ​

 

جواب: رنگِ وطن

وفا

وِچ سُکھّاں دے ساری دُنیا
نیڑے ڈُھک ڈُھک بہندی
پرکھے جان سجّن اوس ویلے
جد بازی پُٹّھی پئیندی
وِچ تھلّاں دے جس دَم سسّی
بیٹھ کُھرّے تے روئی
نس گیا کجلا رُڑھ پُڑھ جانا
ہتھ نہ چھڈیا مہندی

موہنؔ سنگھ​

 

جواب: رنگِ وطن

اُڈیک

سرگی ویلے سُفنا ڈِٹّھا
میرے ڈھولے اونا اج نی
پئی چڑھاں میں مُڑ مُڑ کوٹھے
کر کر لکھّاں پج نی
دھڑکوں دھڑکوں کوٹھی کردی
پھڑکوں پھڑکوں رگ نی
کدن ڈھکیوں اُچّی ہوسی
اوہ شِملے پگ نی

موہنؔ سنگھ​

 

جواب: رنگِ وطن

واہ جی واہ موہن سنگھ ہوراں دے کلام دا لطف آگیا ،شاہدہ دلاور شاہ دا انتخاب وی سوہنا اے

 

اللہ والی​

باہرجھنڈا مذہب دا لا، اندر ہٹ دلالی​

گھریں وسائی چاچے دی دھی دل دے اندر سالی​

ساوی چَدّر لے بستر تے تسبیح کرے جگالی​

ٹھیکہ دُنیا نال مُکایا، عرشاں نال بھیالی​

اِک اِک شے تے قبضہ اپنا​

باقی اللہ والی​

ساجدؔ چودھری​

 

جَم دھرتِیے جَم​

جَم دھرتِیے جَم​

جَم دھرتِیے جَم​

کوئی پُت اجیہے جَم​

جے تُوں اپنا مُل منگیں تے​

لاہ کے دے دین چَم​

جَم دھرتِیے جَم​

افضل ساحرؔ​