رنج و غم کی دوا نام اللّہ کا ۔بلال رشید

رنج و غم کی دوا نام اللّہ کا
سب کا ہے آسرا نام اللّہ کا

فکر جب بھی کوئی گھیرتی ہے مجھے
دیتا ہے حوصلہ نام اللّہ کا

ہر مصیبت میں امداد کے واسطے
ہر نبی نے لیا نام اللّہ کا

تھا وظیفہ یہی سارے اصحاب کا
ورد آل عبا نام اللّہ کا

اپنے دل کی طہارت جو مطلوب ہے
لیجئے پھر سد ا نام اللّہ کا

غیر کا تذکرہ دل کو جچتا نہیں
ہے وظیفہ میرا نام اللّہ کا

. نام قارون و ہامان کے مٹ گئے
اور باقی رہا نام اللّہ کا

تو سمندر کی آواز سن کر بتا
لے رہا ہے وہ کیا نام اللّہ کا

نام لات و منات کے تیرگی
نورا رض و سما نام اللّہ کا

حمد لکھی بلال اس کے الطاف سے
جس کو عنوان دیا نام اللّہ کا
-----​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین