رمضان سپیشل ۔۔۔۔۔۔۔۔۔۔افطاری آئیٹمز

​

آلو کے دہی بڑے


اجزاء:
دہی۔۔۔۔۔۔۔۔۔۔۔۔ ایک کلو
تازہ دودھ۔۔۔۔۔۔۔۔۔۔ ایک پیالی
کارن فلور۔۔۔۔۔۔۔۔۔۔۔۔۔ ایک کھانے کا چمچہ
چینی۔۔۔۔۔۔۔۔۔۔۔۔۔۔۔ ایک کھانے کا چمچہ
نمک۔۔۔۔۔۔۔۔۔۔۔ حسب ذائقہ
بڑے بنانے کا طریقہ۔
آلو(بھرتہ کئے ہوے)۔۔۔۔۔۔۔۔۔۔۔۔۔۔ آدھا کلو
انڈے کی سفیدی(پینٹی ہوئی)۔۔۔۔۔۔۔۔۔۔ دو عدد
کٹی ہوئی لال مرچ۔۔۔۔۔۔۔۔۔۔ ایک چائے کا چمچہ
کٹی ہوئی کالی مرچ۔۔۔۔۔۔۔۔۔۔۔ ایک چائے کا چمچہ
بھنا اور پسا سفید زیرہ۔۔۔۔۔۔۔۔۔۔۔ ایک کھانے کا چمچہ
چاول کا آٹا۔۔۔۔۔۔۔۔۔۔۔ تین کھانے کے چمچہ
نمک۔۔۔۔۔۔۔۔۔۔۔۔۔ حسب ذائقہ
تیل۔۔۔۔۔۔۔۔۔۔۔ تلنے کے لئے

املی کی چٹنی بنانے کے لیے۔
املی کا گاڑھا گودا۔۔۔۔۔۔۔۔۔۔۔ ایک پیالی
کالا نمک۔۔۔۔۔۔۔۔۔۔۔ ایک چٹکی
پسی ہوئی سونٹھ۔۔۔۔۔۔۔۔۔۔۔۔۔۔ ایک کھانے کا چمچہ
بھنا اور پسا سفید زیرہ۔۔۔۔۔۔۔۔۔۔۔ ایک کھانے کا چمچہ
پسی ہوئی لال مرچ۔۔۔۔۔۔۔۔۔۔۔۔۔۔ ایک کھانے کا چمچہ
نمک۔۔۔۔۔۔۔۔۔۔۔۔۔ حسب ذائقہ
ترکیب:
آلو کے بھرتے میں چاولکا آٹا،سفید زیرہ،کالی مرچ،لال مرچ،اور نمک ملائیں۔اس آمیزہ کی ٹکیاں بنا کر انڈے کی سفیدی میں لپیٹ لیں۔ فرائنگ پین میں تیل گرم کریں اور ٹکیوں کو دونوں جانب سے سنہری کر کے اتار لیں ۔ دہی میں دودھ، کارن فلور،چینی اور نمک ملا کر پھینٹ لیں۔املی کی چٹنی بنانے کے لئے املی کے گودے می؟ں اونٹھ،زیرہ اور پسی لال مرچ ملا کر ہلکا سا پکا کر ٹھنڈا کر لیں۔اس میں کالا نمک اور نمک شامل کردیں ۔ڈش میں تھوڑی سی دہی اور تھوڑی سی چینی ڈالیں،پھر آلو کی ٹکیوں کو تہ کی طرحرکھیں،پھر باقی دہی اور املی کی چٹنی ڈال کر پیش کریں۔

 

​

کھجور کا حلوہ


اجزاء:
گندم کا آٹا۔۔۔۔۔۔۔۔۔۔۔ دو سو گرام
کجھوریں(گٹھلیاں نکال دیں)۔۔۔۔۔۔۔۔۔۔۔۔۔۔ دو سو گرام
عرق گلاب۔۔۔۔۔۔۔۔۔۔ آدھی پیالی
چینی۔۔۔۔۔۔۔۔۔۔۔۔۔۔۔۔ آدھی پیالی
پسی ہوئی الائچی۔۔۔۔۔۔۔۔۔۔۔ ایک چائے کا چمچہ
تازہ گرم دودھ۔۔۔۔۔۔۔۔۔۔۔۔۔ ایک کھانے کا چمچہ
زعفران۔۔۔۔۔۔۔۔۔۔۔۔۔۔۔۔۔۔۔ آدھا چائے کا چمچہ
گھی۔۔۔۔۔۔۔۔۔۔۔ تین چوتھائی پیالی
بادام،پستے اور چاندی کا ورق۔۔۔۔۔۔۔۔۔۔ سجانے کے لئے
ترکیب:
زعفران کو دودھ میں بھگو دیں۔دیگچی میں دندم کا آٹا مسلسل چمچہ چلاتے ہوئے بھونیں۔اس میں آہستہ آستہ کر کے گھی شامل کریں اور گھی کے آٹے میں مل جانے تک پکائیں۔اس میں کھجوریں،عرق گلاب اور چینی ملائیں۔چند منٹ پکانے کے بعد الائچی اور زعفران ڈال کر چند منٹ پکائیں اور ٹرے میں ڈال دیں۔مزیدار حلوہ بادام،پستے اور چاندی کے ورق سے سجا کر پیش کریں۔

 

​

تربوز کا سوڈا


اجزاء:
انناس کا جوس۔۔۔۔۔۔۔۔۔۔۔۔۔ آدھی پیالی
تربوز(چوکور ٹکڑے)۔۔۔۔۔۔۔۔۔۔۔۔۔۔۔ دو پیالی
کلب سوڈا۔۔۔۔۔۔۔۔۔ ایک پیالی
کٹی ہوئی برف۔۔۔۔۔۔۔۔۔۔۔۔۔ ایک پیالی
روز سیرپ۔۔۔۔۔۔۔۔۔۔۔۔۔ ایک کھانے کا چمچہ
تربرز کے چھلکوں سمیت ٹکڑے۔۔۔۔۔۔۔۔۔۔ سجانے کے لئے
ترکیب:
بلینڈر میں تمام اجزاء ڈال کر یکجان کر لیں۔مزیدار مشروب گلاسوں میں نکالیں اور تربوز کے ٹکڑوں سے سجا کر پیش کریں۔

 

​

جھینگے کے پکوڑے


اجزاء:
جھینگے (درمیانے) ----- آٹھ عدد
بیسن ----- ایک پیالی (چھنا ہوا)
انڈہ ----- ایک عدد
ہری مرچیں (چوپ کرلیں) ----- چھ عدد
ثابت کالی مرچیں ----- چھ عدد
ہرا دھنیا (چوپ کیا ہوا) ------ آدھی گڈی
دہی ----- ایک چائے کا چمچ
ثابت سفید زیرہ ----- ایک چائے کا چمچ
میٹھا سوڈا ----- آدھا چائے کا چمچ
نمک ----- حسب ذائقہ
تیل ----- تلنے کے لیے
ترکیب:
جھینگوں کو دھو کر چھلنی میں رکھ دیں تاکہ تمام پانی نکل جائے- ایک پیالے میں بیسن٬ انڈے٬ سوڈا اور دہی کو نیم گرم پانی سے پھینٹ لیں- کالی مرچوں کو زیرے کے ساتھ پیس کر بیسن میں ملا دیں- اس میں ہری مرچیں٬ ہرا دھنیا٬ اور نمک ملائیں- کڑاہی میں تیل گرم کریں- ایک ایک جھینگے کو بیسن کے آمیزے میں لپیٹیں اور کڑاہی میں سنہری رنگ آنے تک تل کر جاذب کاغذ پر نکالیں-

 

​

تلسی کی چٹنی


اجزاء:
تلسی کے پتے۔۔۔۔۔۔۔۔۔۔۔۔۔۔ ایک پیالی
ہری مرچیں۔۔۔۔۔۔۔۔۔۔ چھ عدد
لہسن۔۔۔۔۔۔۔۔۔۔۔۔ چھ جوے
بھنا ہوا سفید زیرہ۔۔۔۔۔۔۔۔۔۔۔۔۔۔۔ دو چائے کے چمچے
بھنا ہوا ثابت دھنیا۔۔۔۔۔۔۔۔۔۔۔۔۔۔ دو چائے کے چمچے
ہرا دھنیا۔۔۔۔۔۔۔۔۔۔۔۔۔۔۔ آدھی گڈی
ترکیب:
بلینڈر میں تمام اجزاء ڈال یکجان کر لیں۔ مزیدار چٹنی تیار ہے۔

 

​

ہری پیاز کی چٹنی

اجزاء:
ہری پیاز( باریک کٹی ہوئی)۔۔۔۔۔۔۔۔۔۔۔۔۔۔ ایک پیالی
لہسن۔۔۔۔۔۔۔۔۔۔۔ ایک جوا
ہری مرچیں۔۔۔۔۔۔۔۔۔۔۔۔۔ تین عدد
ہرا دھنیا۔۔۔۔۔۔۔۔۔۔ آدھی پیالی
املی کا گودا۔۔۔۔۔۔۔۔۔۔۔۔ ایک چوتھائی پیالی
نمک۔۔۔۔۔۔۔۔۔۔۔۔۔۔ ایک چائے کا چمچہ
ترکیب:
بلینڈر میں تنان اجزاء یکجان کر لیں۔مزیدار چٹنی پکوڑوں یا سموسوں کے ہمراہ پیش کریں۔

 

​

ٹماٹر کی چٹنی


اجزاء:
ٹماٹر (کٹے ہوئے)۔۔۔۔۔۔۔۔۔۔۔۔۔ ایک پیالی
پانی ۔۔۔۔۔۔۔۔۔۔۔۔۔ آدھی پیالی
لہسن(چوپ کیا ہوا)۔۔۔۔۔۔۔۔۔۔۔۔۔۔۔ چار جوے
پسا ہوا گرم مصالحہ۔۔۔۔۔۔۔۔۔۔۔۔۔ ایک چائے کا چمچہ
کٹی ہوئی لال مرچ۔۔۔۔۔۔۔۔۔۔۔۔۔ایک کھانے کے چمچہ
براؤن چینی۔۔۔۔۔۔۔۔۔۔۔ ایک کھانے کے چمچہ
سفید سرکہ۔۔۔۔۔۔۔۔۔۔۔۔۔۔ چار کھانے کے چمچہ
نمک۔۔۔۔۔۔۔۔۔ آدھا چائے کا چمچہ
ترکیب:
ایک ساس پین میں تمام اجزاء ڈال کر ٹماٹر نرم ہونے تک پکائیں۔اس آمیزہ کو تھوٹا ٹھنڈا کریں اور بلینڈر میں یکجان کرکے پیش کریں۔

 

​

انار کی چٹنی

اجزاء:
لہسن۔۔۔۔۔۔۔۔۔۔ ایک جوا
ہری مرچیں۔۔۔۔۔۔۔۔۔۔۔۔۔۔۔۔۔ تین عدد
انار کے دانے (تازہ)۔۔۔۔۔۔۔۔۔۔ ایک پیالی
ہرا دھنیا۔۔۔۔۔۔۔۔۔۔۔۔۔ آدھی پیالی
نمک ۔۔۔۔۔۔۔۔۔۔۔۔۔۔۔ ایک چائے کا چمچہ
ترکیب:
بلینڈر میں انار کے دانوں کے علاوہ باقی تمام اجزاء یکجان کر لیں۔اس میں انار دانے شامل کریں اور ہلکا سا بلینڈ کر کے نکال لیں۔

 

​

سوجی کی فیرنی

اجزاء:
سوجی ----- چار کھانے کے چمچ
دودھ ----- دو پیالی
چینی ----- ایک کھانے کا چمچ
ترکیب:
سوجی کو فرائینگ پین میں سنہری کر کے نکال لیں- دیگچی میں دودھ گرم کریں اور اس میں سوجی ڈال کر ہلکی آنچ پر پکنے دیں- جب آمیزہ گاڑھا ہوجائے تو اس میں چینی شامل کر کے چینی حل ہونے تک پکا کر چولہا بند کردیں-

 

​

آلو بخارے کی چٹنی


اجزاء:
آلو بخارے۔۔۔۔۔۔۔۔۔۔۔۔۔۔ آدھا کلو
املی کا گاڑھا گودا۔۔۔۔۔۔۔۔۔۔۔۔۔۔۔۔۔ ایک پیالی
بادام(ابلے ہوئے)۔۔۔۔۔۔۔۔۔۔۔۔۔۔ دس عدد
کلونجی۔۔۔۔۔۔۔۔۔۔۔۔۔۔ ایک چائے کا چمچہ
سوکھی گول لال مرچ۔۔۔۔۔۔۔۔۔۔۔۔۔ دس عدد
ادرک(باریک کٹی ہوئی)۔۔۔۔۔۔۔۔۔۔۔۔۔ دو کھانے کے چمچے
چینی۔۔۔۔۔۔۔۔۔۔۔۔۔۔۔ ایک پیالی
سفید سرکہ۔۔۔۔۔۔۔۔۔۔۔آدھی پیالی
نمک۔۔۔۔۔۔۔۔۔۔۔۔۔۔۔ حسب ذائقہ
ترکیب:
آلو بخاروں کو گرم پانی میں نرم کر کے کچل لیں،بیج نکال کر پھینک دیں۔اس میں املی کا گودا ملائیں۔یہ آمیزہ ایک مٹی کی ہانڈی میں ڈالیں،اس میں نمک کے علاوہ باقی تمام اجزاء ملا کر ہلکی آنچ پر گاڑھا ہونے تک پکائیں۔چٹنی میں نمک ملائیں اور مرتبان میں رکھ دیں-

 

​

​

ناریل کی چٹنی​

​

​

اجزاء:
ہری مرچیں۔۔۔۔۔۔۔۔۔۔ تین عدد
تازہ ناریل (کدوکش)۔۔۔۔۔۔۔۔۔۔ ایک چوتھائی پیالی
دہی۔۔۔۔۔۔۔۔۔۔۔ ایک چوتھائی پیالی
پودینہ۔۔۔۔۔۔۔۔۔۔ ایک چوتھائی پیالی
ہرا دھنیا۔۔۔۔۔۔۔۔۔۔۔ ایک چوتھائی پیالی
نمک۔۔۔۔۔۔۔۔۔۔ ایک چائے کا چمچہ
لیموں کا رس۔۔۔۔۔۔۔۔۔۔۔۔ ایک چائے کا چمچہ
ترکیب:
بلینڈر میں تمام اجزاء ملائیں، اگر ضرورت ہو تو تھوڑا سا پانی ڈال کر یکجان کر لیں۔ناریل کی مزیدار چٹنی تیار ہے۔

 

​

املی اور کھجور کی چٹنی


اجزاء:
کھجور۔۔۔۔۔۔۔۔۔۔۔ دس عدد
املی کا گودا۔۔۔۔۔۔۔۔۔۔۔۔۔۔ ایک پیالی
سوکھی گول لال مرچیں۔۔۔۔۔۔۔۔۔۔ دس عدد
بھنا ہوا سفید زیرہ۔۔۔۔۔۔۔۔۔۔۔۔۔ دو چائے کے چمچہ
پسی ہوئی سونٹھ۔۔۔۔۔۔۔۔۔۔۔ آدھا چائے کا چمچہ
اجوائین۔۔۔۔۔۔۔۔۔۔۔۔۔۔۔۔۔۔آدھا چائے کا چمچہ
سفید سرکہ۔۔۔۔۔۔۔۔۔۔۔۔۔۔ آدھی پیالی
نمک۔۔۔۔۔۔۔۔۔ حسب ذائقہ
ترکیب:
لال مرچوں اور کجھوروں کو علیحدہ علیحدہ ابال لیں،پھر بلینڈر میں ایک ساتھ پیس لیں۔پسے ہوئے آمیزہ کو ساس پین میں ڈالیں،اس میں سرکہ کے علاوہ تمام اجزاء ڈال کر چٹنی گاڑھی ہونے تک پکائیں۔اسے چولہے سے اتاریں اور سرکہ شامل کردیں۔مزیدار چٹنی تیار ہے۔

 

​

لال مرچ کی چٹنی


اجزاء:
دیگی لال مرچیں۔۔۔۔۔۔۔۔۔۔۔۔۔ چار عدد
لہسن (بیغر چھلے)۔۔۔۔۔۔۔۔۔۔۔۔۔ چھ جوئے
لیموں۔۔۔۔۔۔۔۔ایک عدد
سفید سرکہ۔۔۔۔۔۔۔۔۔۔۔ چید قطرے
ثابت سفید زیرہ۔۔۔۔۔۔۔۔۔۔۔۔۔ ایک چائے کا چمچہ
نمک۔۔۔۔۔۔۔۔۔۔۔۔ حسب ذائقہ
تیل۔۔۔۔۔۔۔۔۔۔۔۔۔۔ تین کھانے کے چمچہ
ترکیب:
لال مرچیں دھو کر سرکے اور تھوڑے سے پانی کے ساتھ ابال لیں۔اسے بلینڈر میں زیرے اور لہسن کے ساتھ بلینڈ کر لیں۔فرائینگ پین میں تیل گرم کر کے پسی ہوئی چٹنی کوہلکا سا تل کر پیالے میں نکال لیں۔اس میں نمک اور لیموں کا رس ملا کر پیش کر یں۔

 

​

لال چٹنی


اجزاء:
لمبی والی سوکھی لال مرچیں۔۔۔۔۔۔۔۔۔۔۔ بارہ عدد
لہسن۔۔۔۔۔۔۔۔۔۔۔ ایک پوتھی
ٹماٹو کیچپ۔۔۔۔۔۔۔۔۔۔۔۔۔۔۔ آدھی پیالی
املی کا گودا۔۔۔۔۔۔۔۔۔۔۔۔۔۔۔۔ ایک پیالی
گڑ۔۔۔۔۔۔۔۔۔۔۔۔۔۔ ایک کھانے کا چمچہ
بھنا ہوا سفید زیرہ۔۔۔۔۔۔۔۔۔۔۔۔۔۔۔۔۔ دو چائے کا چمچہ
نمک۔۔۔۔۔۔۔۔۔۔ آدھا چائے کا چمچہ
ترکیب:
لال مرچوں کو رات بھر کے لیے بھگو کر رکھ دیں۔ بلینڈر میں لال مرچیں،لہسن،ٹماٹو کیچپ،املی کا گودا،گڑ،زیرہ اور نمک ڈال کر یکجان کر لیں۔

 

​

کچلی ہوئی چٹنی


اجزاء:
ہرا لہسن۔۔۔۔۔۔۔۔۔۔۔۔ آدھی گڈی
ہری پیاز کے پتے۔۔۔۔۔۔۔۔۔۔۔۔۔۔ دو ڈنڈی
لہسن۔۔۔۔۔۔۔۔۔۔۔ دو جوے
ہری مرچیں۔۔۔۔۔۔۔۔۔۔۔۔۔ دو عدد
ہرا دھنیا۔۔۔۔۔۔۔۔۔۔۔۔۔ آدھی گڈی
لیموں کا رس۔۔۔۔۔۔۔۔۔۔ ایک چوتھائی پیالی
ثابت سفید زیرہ۔۔۔۔۔۔۔۔۔۔۔۔۔۔ ایک چائے کا چمچہ
نمک آدھا۔۔۔۔۔۔۔۔۔۔۔۔۔۔ چائے کا چمچہ
ترکیب:
بلینڈر میں تمام اجزاء یکجان کر کے پیش کریں۔

 

​

کیری کا شربت


اجزاء:
کیریاں ----- ایک کلو
چینی ---- ایک کلو
لیموں ---- چار عدد
پانی ----- دو لیٹر
کالا نمک ----- ایک چٹکی
پودینہ ----- چند پتے
ترکیب:
کیریوں کو چھیل کر پانی کے ہمراہ ابالیں اور ٹھنڈا کرلیں- اسی پانی میں کیریوں کا گودا بنائیں اور گٹھلیاں نکال کر پھینک دیں٬ بلینڈر میں گودا پیس کر دیگچی میں ڈالیں- اس میں چینی ڈال کر ہلکی آنچ پر چینی حل ہونے تک پکا کر چولہا بند کردیں- کیریوں کا آمیزہ ٹھنڈا ہوجائے تو اس میں لیموں کا رس اور کالا نمک ملا دیں- کیری کے شربت کو بوتل میں بھر کر فریج میں رکھ دیں- پیش کرنا ہو تو اس میں سے دو کھانے کے چمچ شربت گلاس میں ڈالیں٬ اس میں پانی٬ برف اور پودینے کے پتے ڈال کر پیش کریں-

نوٹ: کیریاں ابالنے کے لیے اسٹین لیس اسٹیل کا برتن استعمال کریں-

 

​

کیری کی چٹنی


اجزاء:
کیریاں۔۔۔۔۔۔۔۔۔۔۔ آدھا کلو
چینی۔۔۔۔۔۔۔۔۔۔۔۔۔ تین پاؤ
پانی۔۔۔۔۔۔۔۔۔۔۔۔۔۔۔ سوا دو پیالی
لہسن(چوپ کیا ہوا)۔۔۔۔۔۔۔۔۔۔۔۔۔۔ دو کھانے کے چمچے
ادرک(چوپ کیا ہوا)۔۔۔۔۔۔۔۔۔۔۔۔۔۔ دو کھانے کے چمچے
سفید سرکہ۔۔۔۔۔۔۔۔۔۔۔ ایک پیالی
سوکھی لال مرچیں۔۔۔۔۔۔۔۔۔۔۔۔۔۔15 عدد
کٹی ہوئی لال مرچیں۔۔۔۔۔۔۔۔۔۔۔۔۔ ایک چائے کا چمچہ
نمک۔۔۔۔۔۔۔۔۔۔۔۔۔ آدھا چائے کا چمچہ
ترکیب:
کیریوں کو پتلا کاٹ کر ایک گھنٹے کے لیے پانی میں بھگوئیں،پھر پانی پھینک دیں۔دیگچی میں چینی اور پانی کو چینی حل ہونے تک پکائیں۔اس میں کیری شامل کر کے انہیں آدھا گلا لیں،پھر ادرک اور لہسن شامل کر کے خوشبو آنے تک پکائیں۔اس میں سرکہ،ثابت لال مرچ،کٹی لال مرچ اور نمک ڈال کر گاڑھا ہونے تک پکا لیں۔

 

​

کیری اور دہی کی چٹنی


اجزاء:
کیریاں۔۔۔۔۔۔۔۔۔۔۔ دو عدد
بھنا ہوا سفید زیرہ۔۔۔۔۔۔۔۔۔۔۔۔۔۔۔۔۔ ایک چائے کا چمچہ
پسی ہوئی کالی مرچ۔۔۔۔۔۔۔۔۔۔۔۔۔۔ ایک چائے کا چمچہ
پسی ہوئی لال مرچیں۔۔۔۔۔۔۔۔۔۔۔۔۔۔ ایک چائے کا چمچہ
تازہ کریم۔۔۔۔۔۔۔۔۔۔۔۔۔۔۔۔ آدھی پیالی
دہی (پھنٹی ہوئی)۔۔۔۔۔۔۔۔۔۔۔۔۔۔250 گرام
نمک۔۔۔۔۔۔۔۔۔۔۔۔۔۔۔۔ آدھا چائے کا چمچہ
ترکیب:
کیروں کو ابال کر ان کا گودا نکال لیں۔اس میں زیرہ، کالی مرچ،لال مرچ اور نمک ملائیں۔اس میں دہی اور کریم شامل کر کے پیش کریں۔

 

​

گریپس اسموتھی


اجزاء:
ریڈ گریپس جوس۔۔۔۔۔۔۔۔۔ ایک گلاس
چینی۔۔۔۔۔۔۔۔ ایک سے دو کھانے کے چمچے
برف(کٹی ہوئی)۔۔۔۔۔۔۔ تھوڑی سی
سوڈا واٹر۔۔۔۔۔۔۔۔۔۔ دو گلاس
ترکیب:
بلینڈر میں ریڈ گریپس جوس ڈال کر بلینڈ کریں۔اس کے بعد اس میں برف ڈال کر تھوڑی دیر بلینڈ کریں تاکہ برف کا ہموار چورا بن جائے۔آخر میں سوڈا واٹر شامل کریں اور سرونگ گلاس میں نکال کر سرو کریں۔

 

​

​

اورینٹل چکن​

​

​

اجزاء:
مرغی کا گوشت۔۔۔۔۔۔۔۔۔۔۔۔۔ ایک کلو (بون لیس،کیوب کاٹ لیں)
چلی گارلک سوس۔۔۔۔۔۔۔۔۔۔۔۔۔ایک کپ
ٹماٹو پیسٹ۔۔۔۔۔۔۔۔۔۔۔ ایک کپ
لیموں کا رس۔۔۔۔۔۔۔۔۔۔۔۔۔۔۔ دو چائے کے چمچے
مسٹرڈ پاؤڈر۔۔۔۔۔۔۔۔۔۔۔۔۔۔ ایک چوتھائی کھانے کا چمچہ
انڈا۔۔۔۔۔۔۔۔۔۔ ایک عدد
پیاز۔۔۔۔۔۔۔۔۔۔۔۔ایک چوتھائی کپ (کیوب کاٹ لیں)
ٹماٹر(کیوب کاٹ لیں)۔۔۔۔۔۔۔۔۔۔۔ایک چوتھائی کپ
شملہ مرچ۔۔۔۔۔۔۔۔۔۔۔۔۔ایک چوتھائی کپ (کیوب کاٹ لیں)
سویاسوس۔۔۔۔۔۔۔۔۔۔۔۔۔دو چائے کے چمچہ
میدہ۔۔۔۔۔۔۔۔۔۔۔۔۔۔تین چوتھائی کپ
لہسن پیسٹ۔۔۔۔۔۔۔۔۔۔۔ایک چائے کا چمچہ
ادرک پیسٹ۔۔۔۔۔۔۔۔۔۔۔۔ایک چائے کا چمچہ
سفید مرچ ۔۔۔۔۔۔۔۔۔۔۔۔۔۔۔ آدھا چائے کا چمچہ
چائینز نمک۔۔۔۔۔۔۔۔۔۔۔۔۔ ایک چائے کا چمچہ
کارن فلور۔۔۔۔۔۔۔۔۔۔۔۔۔۔۔ایک کھانے کا چمچہ
نمک۔۔۔۔۔۔۔۔۔۔حسب ذائقہ
تیل۔۔۔۔۔۔۔۔۔۔۔۔۔حسب ضرورت
ترکیب:
گوشت میں انڈا،سویا سوس،مسٹرڈ پیسٹ اور میدہ ڈال کر اچھی طرح مکس کر لیں اور دو گھنٹے تک میرینیٹ ہونے کے لیے رکھ دیں۔
فرائی پین میں ڈیپ فرائینگ کے لیے تیل گرم کر کے میرنیٹ کیا ہوا گوشت ڈال کر فرائی کر لیں۔دوسرے سوس پین میں دو کھانے کے چمچے تیل گرم کر کے اس میں لہسن پیسٹ،ادرک پیسٹ ڈال کر فرائی کریں،ساتھ ہی فرائی کیا ہوا گوشت بھی ڈال دیں۔پیاز،ٹماٹر،شملہ مرچ۔چلی گارلک سوس،ٹماٹو پیسٹ،لیمو کا رس،سفید مرچ پاؤڈر٬ چائنیز نمک٬ اور نمک ڈال کر اچھی طرح مکس کریں اور تھوڑا سا پانی شامل کر کے ڈھک کر پکائیں- آدھا کپ پانی میں کارن فلور گھول کر اس میں ڈال دیں اور پانچ سے سات منٹ مزید پکائیں- گاڑھا ہوجائے تو سرونگ ڈش میں نکال کر چاولوں کے ساتھ فوراً پیش کریں-

 

​

انڈین مکھنی ٹماٹو کاجو چکن


اجزاء:
مرغی(ٹکڑے کر لیں)۔۔۔۔۔۔۔۔۔ ایک عدد
گاڑھی دہی۔۔۔۔۔۔۔۔۔۔ تین چوتھائی کپ
ٹماٹر(باریک چوپ کرلیں)۔۔۔۔۔۔۔۔۔ آدھا کلو
لہسن کے جوے۔۔۔۔۔۔۔۔۔۔۔6 عدد
ادرک۔۔۔۔۔۔۔۔۔۔ ایک انچ کا ٹکڑا
چینی۔۔۔۔۔۔۔۔۔۔۔۔۔ ایک چائے کا چمچہ
ثابت لال مرچیں۔۔۔۔۔۔۔۔۔۔۔۔ چار عدد
نمک۔۔۔۔۔۔۔۔۔۔۔ حسب ذائقہ
لال مرچ پاؤڈر ۔۔۔۔۔۔۔۔۔۔۔۔ آدھا چائے کا چمچہ
ٹماٹو کیچپ۔۔۔۔۔۔۔۔۔۔۔ 6 چمچے
کاجو(چوپ کر لیں)۔۔۔۔۔۔۔۔۔۔۔ آدھا کپ
(ایک چوتھائی کپ کاجو ٹکڑے کر کے فرائی کر لیں)
کھانے کا لال رنگ۔۔۔۔۔۔۔۔۔۔۔۔۔۔۔ دو قطرے
مکھن۔۔۔۔۔۔۔۔۔۔ چار کھانے کے چمچے
ترکیب:
ثابت لال مرچوں، لہسن اور ادرک کو ایک ساتھ گرائینڈ کر کے مکس کریں ۔ اس میں نمک بھی شامل کردیں۔یہ آمیزہ گوشت کو لگا کر چار سے پانچ گھنٹے تک گوشت کو میرنیٹ کریں۔
ٹماٹر میں چینی،لال رنگ۔لال مرچ پاؤڈر اور تھوڑا نمک ڈال کر مکس کریں۔
فرائنگ پین میں ٹماٹر کا آمیزہ ڈال کر پکاٰئیں۔ٹماٹر نرم ہو کر گل جائیں تو ان کو چھان لیں۔
دوسرے سوس پین میں گوشت میرنیشن سمیت ڈال کر ہلکی آنچ پر پکاتے ہوئے تقریبا گلا لیں۔اس میں تیار شدہ ٹماٹو پری۔تین کھانے کے چمچے مکھن،آدھا کپ کاجو اور ٹماٹو کیچپ شامل کر کے ہلکی آنچ پرآٹھ سے دس منٹ تک پکائیں ۔سرونگ ڈش میں نکال کر فرائی کیے ہوئے کاجو اور ایک کھانے کا چمچہ مکھن پگھلا کر اس پر ڈالیں اور گرم گرم سرو کریں۔

 

​

پنسل کباب


اجزاء:
گائے کا قیمہ ----- ایک کلو
سرخ مرچ پاؤڈر ---- ڈیڑھ چائے کا چمچ
بادیان پاؤڈر ----- ایک چوتھائی چائے کا چمچ
گرم مصالحہ پاؤڈر ---- ایک چوتھائی چائے کا چمچ
کھانے کا زرد رنگ ----- ایک چٹکی
لہسن پیسٹ ------ ایک چائے کا چمچ
ادرک پیسٹ ----- ایک چائے کا چمچ
پیاز ------ دو عدد
سرسوں کا تیل ----- ایک کھانے کا چمچ
کچری پاؤڈر ----- آدھا چائے کا چمچ
دھنیا پاؤڈر ----- آدھا چائے کا چمچ
چائنیز نمک ------ ایک چوتھائی چائے کا چمچ
بیف چکنائی ------ سو گرام
مکھن (پگھلا ہوا) ---- حسب ضرورت
نمک ---- حسب ذائقہ
تیل ----- حسب ضرورت
ترکیب:
ایک پیاز کو باریک چوپ کر کے اسے ململ کے کپڑے میں ڈال کر اس کا پانی نچوڑ کر رکھ لیں- بقیہ ایک پیاز کے سلائسز کاٹ لیں-
فرائی پین میں تیل گرم کر کے اس میں پیاز کے سلائسز ڈال کر ہلکی آنچ فرائی کریں٬ سنہرے ہوجائیں تو نکال کر رکھیں-
پیالے میں قیمہ ڈال کر اس میں سرخ مرچ پاؤڈر٬ بادیان پاؤڈر٬ گرم مصالحہ پاؤڈر٬ سیاہ مرچ پاؤڈر٬ زرد رنگ٬ لہسن پیسٹ٬ ادرک پیسٹ٬ سرسوں کا تیل٬ کچری پاؤڈر٬ چائنیز نمک٬ دھنیا پاؤڈر اور نمک شامل کر کے اچھی طرح مکس کرلیں٬ تلی ہوئی پیاز٬ چوپ کی ہوئی پیاز اور چکنائی ڈال کر مزید مکس کریں اور اس مکسچر کو قیمے کی مشین سے دو مرتبہ گزار کرلیں-
اس آمیزے کے چھوٹے اور بیضوی شیپ کے کباب بنا کر سیخوں پر لگا دیں اور ہاتھ سے دبا کر لمبائی میں پنسل کی شکل دے دیں- سیخوں کو دھکتے کوئلوں پر رکھ کر باربی کیو کریں- اس دوران کبابوں پر برش سے مکھن لگاتی رہیں-
اگر آپ باربی کیو نہیں کر رہے ہیں تو کبابوں کی ڈیپ فرائی کر کے کوئلے کا دھواں دے دیں-
گرم گرم پنسل کباب نان یا پراٹھوں کے ساتھ سرو کریں-

 

​

بلیک بیری چکن


اجزاء:
مرغی کا گوشت۔۔۔۔۔۔۔۔۔۔ ایک کلو (بون لیس،اسٹرپس کاٹ لیں)
لہسن پیسٹ۔۔۔۔۔۔۔۔۔۔۔۔۔۔ ایک کھانے کا چمچہ
ادرک پیسٹ۔۔۔۔۔۔۔۔۔۔۔۔۔۔ ایک کھانے کا چمچہ
لیموں کا رس۔۔۔۔۔۔۔۔۔۔۔۔۔ ایک چائے کا چمچہ
سرکہ۔۔۔۔۔۔۔۔۔۔۔۔۔۔۔۔۔ دو چائے کے چمچے
پیاز(کیوب کاٹ لیں)۔۔۔۔۔۔۔۔۔۔۔۔۔۔۔ ایک عدد (بڑے سائز کی)
سویا سوس۔۔۔۔۔۔۔۔۔۔۔۔۔۔۔۔ ایک کھانے کا چمچہ
شملہ مرچ(کیوب کاٹ لیں)۔۔۔۔۔۔۔۔۔۔۔۔۔۔۔ ایک عدد(بڑے سائز کی)
کارن فلور۔۔۔۔۔۔۔۔۔۔۔۔۔۔ دو کھانے کے چمچہ
سیاہ مرچ(کٹی ہوٰئی)۔۔۔۔۔۔۔۔۔۔۔۔۔ حسب ضرورت
چائینز نمک۔۔۔۔۔۔۔۔۔۔۔۔۔حسب ضرورت
چکن پاوڈر۔۔۔۔۔۔۔۔۔۔۔۔۔۔۔۔ایک چائے کا چمچہ
تیل۔۔۔۔۔۔۔۔۔۔۔۔۔۔ ایک کپ
نمک۔۔۔۔۔۔۔۔۔۔ حسب ذائقہ
ترکیب:
پیالے میں گوشت ڈال کر اس میں ایک چائے کا چمچہ کٹی ہوئی سیاہ مرچیں،دو چائے کے چمچہ چائینز نمک،
ایک چائے کا چمچہ نمک،لہسن پیسٹ،ادرک پیسٹ اور لیمو کا رس ڈال کر چار گھنٹے کے لیے میرنیٹ کر لیں۔ سوس پین میں تیل ڈال کر گرم کر لیں اور میرنیٹ کیا ہوا گوشت ڈال کر پانچ منٹ تک پکانے کے بعد پیاز اور شملہ مرچ شامل کر کے مزید پکائیں۔ساتھ ہی ایک چائے کا چمچہ کٹی ہوئی سیاہ مرچیں،ایک چوتھائی چائے کا چمچہ چائنیز نمک ،چکن پاؤڈر ،نمک اور سویا سوس ڈال کر اچھی طرح مکس کر لیں،سرکہ اور چار گلاس پانی شامل کر کے درمیانی آنچ پر پکائیں۔گوشت گل جائے تو تھوڑے سے پانی میں کارن فلور گھول کر اس میں ڈال دیں،دو سے تین منٹ تک پکائیں۔حسب منشاء گاڑھا ہو جائے تو سرونگ ڈش میں نکال کر کٹی ہوئی سیاہ مرچ چھڑک کر چاولوں کے ساتھ گرم گرم سرو کریں۔

 

​

اسٹک گولا کباب


اجزاء:
قیمہ ----- پانچ سو گرام
لہسن کے جوے ------ چار عدد
ادرک ----- ایک انچ کا ٹکڑا
کارن فلور ----- دو کھانے کے چمچے
لال مرچ پاؤڈر ----- ایک چائے کا چمچ
براؤن پیاز کا پیسٹ ---- دو کھانے کے چمچ
الائجی پاؤڈر ----- آدھا چائے کا چمچ
گرم مصالحہ پاؤڈر ----- آدھا چائے کا چمچ
نمک ---- حسب ذائقہ
زیرہ پاؤڈر ----- آدھا چائے کا چمچ
ہری مرچ٬ ہرا دھنیا (کٹا ہوا) ----- دو چائے کے چمچے
کچری پاؤڈر ----- آدھا چائے کا چمچ
تیل ----- حسب ضرورت
لکڑی کی اسٹک ----- حسب ضرورت
ترکیب:
قیمے کو چوپر میں پیس لیں- اس میں لہسن٬ ادرک ڈال کر مزید پیس کر اس میں کارن فلور٬ لال مرچ پاؤڈر٬ براؤن پیاز٬ الائچی پاؤڈر٬ گرم مصالحہ پاؤڈر اور نمک ڈال کر مکس کریں-
اس کے بعد اس میں ہری مرچ٬ ہرا دھنیا٬ زیرہ پاؤڈر٬ کچری پاؤڈر لگا کر آدھا گھنٹہ رکھیں- لکڑی کی اسٹک پر گولا کباب بنا کر لگائیں اور تھوڑی دیر فریج میں رکھیں-
آدھا کپ تیل گرم کریں گولہ کباب کی اسٹک ڈال کر فرائی کریں- چاروں طرف سے گولہ کباب فرائی ہوجائے تو اسٹک نکال لیں سلاد٬ رائتہ٬ چٹنی کے ساتھ سرو کریں-

 

​

ایزی کک فرنچ فرائز


اجزاء:
آلو ----- آدھا کلو
نمک ----- حسب ذائقہ
تیل ------ فرائنگ کے لیے

سرونگ کے لیے

چلی گارلک سوس ----- حسب پسند
چاٹ مصالحہ ----- حسب پسند
ترکیب:
آلو کو باریک فنگر شیپ میں کاٹ لیں- پانی میں نمک اور آلو ڈال کر پانچ منٹ کے لیے چھوڑ دیں-
چھلنی میں ڈال کر چھوڑ دیں کہ آلو کا تمام پانی نتھر جائے اور آلو بالکل خشک ہوجائیں-
کڑاہی میں تیل ڈالیں ہلکا سا گرم ہوجائے تو آلو ڈال کر درمیانی آنچ پر پکائیں- آلو کرسپی اور سنہری ہوجائیں تو ٹشو پیپر پر یا اخبار پر نکال لیں-
سرونگ پلیٹ میں نکال کر چلی گارلک سوس٬ چاٹ مصالحہ کے ساتھ کھائیں-

 

​

کھوئے کی کھیر


اجزاء:
ضروری اشیاء۔

دودھ۔۔۔۔۔۔۔۔۔۔۔۔۔۔ دو لیٹر
چاول۔۔۔۔۔۔۔۔۔۔۔۔۔۔ ایک کپ
سبز الائچی۔۔۔۔۔۔۔۔۔۔ چار سے پانچ عدد
چینی۔۔۔۔۔۔۔۔۔۔۔ ڈیڑھ کپ
کھویا۔۔۔۔۔۔۔۔۔۔ ایک کپ
کیوڑا۔۔۔۔۔۔۔۔۔۔ دو چائے کے چمچے
بادم،پستے(ہوائیاں کاٹ لیں) ۔۔۔۔۔۔۔۔۔۔ حسب ضرورت
کشمش۔۔۔۔۔۔۔۔۔۔ حسب ضرورت
ترکیب:
دودھ کو ہلکی آنچ پر پکا ئیں۔ چاول کو بھگو دیں اور پانی ڈال کر پکالیں ۔جب پانی خشک ہو جائے تو میش کر لیں اور دودھ میں مکس کر دیں۔کشمش اور الائچی ڈالیں ہلکی آنچ پر پکائیں۔
جب کھیر گاڑھی ہونے لگے تو چینی ڈال کر پانچ منٹ پکائیں اس کے بعد کھویا شامل کرکے چمچہ چلاتے رہیں۔
کھویا اچھی طرح مکس ہوجائے تو کیوڑا ڈال کر ڈش میں ڈالیں اور بادام، پستے،چاندی کا ورک لگا کر ٹھنڈا کر کے پیش کریں۔

 

​

ڈان بریڈ کلب سینڈوچز


اجزاء:
ڈان سینڈوچز بریڈ ----- ایک عدد
مرغی کا گوشت (بون لیس) ---- آدھا کلو
مایونیز ----- ڈھائی کپ
نمک ---- حسب ذائقہ
سیاہ مرچ پاؤڈر ----- حسب ذائقہ
ترکیب:
گوشت میں لہسن پیسٹ ڈال کر ابال لیں- گل جانے اور پانی خشک ہوجانے پر ٹھنڈا کر کے ریشے کر لیں- گوشت میں دو کپ مایونیز٬ نمک٬ چینی اور سیاہ مرچ پاؤڈر مکس کر کے ایک طرف رکھ لیں- انڈوں میں نمک اور سیاہ مرچ پاؤڈر ڈال کر پھینٹ لیں-
فرائینگ پین میں ایک کھانے کا چمچ تیل گرم کر کے اس میں انڈوں کا آمیزہ تھوڑا سا ڈال کر پکائیں- ایک طرف سے پکنے کے بعد پلٹ کر دوسری طرف سے بھی پکائیں- اسی طرح تمام آمیزہ استعمال کریں- بریڈ سلائس پر باقی بچا ہوا مایونیز لگا کر اس کے اوپر گوشت کا آمیزہ رکھیں سلاد پتے رکھ کر اس پر دوسرا بریڈ سلائس رکھیں- اس پر آملیٹ رکھ کر ایک اور بریڈ سلائس رکھ دیں اور سخت کنارے کاٹ کر تکون شیپ میں کاٹ لیں - فرنچ فرائز اور کول سلا سلاد کے ساتھ سرو کریں-

 

​

​

زنگر برگر​

​

​

اجزاء:
چکن بریسٹ ----- آدھا کلو (بون لیس فلیٹ بنالیں)
کارن فلور ---- ایک کپ
چاول کا آٹا ----- ایک کپ
میدہ ---- ایک کپ
نمک ---- حسب ذائقہ
سفید مرچ پاؤڈر ----- آدھا چائے کا چمچ
سیاہ مرچ پاؤڈر ----- ایک چائے کا چمچ
مایونیز ------ چار کھانے کے چمچ
کیچپ ----- چار کھانے کے چمچ
لہسن ادرک پیسٹ ----- ایک کھانے کا چمچ
سویا سوس ----- ایک کھانے کا چمچ
چلی سوس ----- ایک کھانے کا چمچ
تیل ----- حسب ضرورت
برگر بن (گول والے) ----- دو عدد
سلاد پتہ ----- چار عدد
چکن پاؤڈر ----- دو چٹکی
انڈے ---- دو عدد
ترکیب:
چکن بریسٹ دھو کر خشک کرنے کے بعد اس میں سفید مرچ پاؤڈر٬ لہسن٬ ادرک پیسٹ٬ سویا سوس٬ چلی سوس٬ آدھا چائے کا چمچ سیاہ مرچ پاؤڈر اور نمک ملا کر آدھے گھنٹے کے لیے میرینیٹ ہونے کے لیے رکھ دیں- ایک پیالے میں میدہ٬ کارن فلور٬ چاول کا آٹا٬ آدھا چائے کا چمچ سیاہ مرچ پاؤڈر٬ چکن پاؤڈر اور تھوڑا سا نمک ملا لیں٬ ایک پیالے میں انڈے پھینٹ لیں٬ میرینیٹ کیے ہوئے گوشت کو پہلے میدے والے مکسچر سے کوٹ کریں- اس کے بعد انڈے میں ڈپ کر کے دوبارہ میدے سے کوٹ کر کے گرم تیل میں درمیانی آنچ پر ڈیپ فرائی کریں گوشت کی رنگت گولڈن ہوجائے اور وہ اندر سے گل جائے تو پلیٹ میں نکال کر رکھیں- برگر بن میں مایونیز اور کیچپ لگائیں سلاد پتہ بچھائیں اس کے اوپر فرائی کیے ہوئے چکن بریسٹ کو رکھیں اور مزید مایونیز اور کیچپ ڈال کر گرما گرم سرو کریں-

 

​

جام بھرے ڈونٹ


اجزاء:
میدہ ----- دو کپ
خمیر ------ ایک کھانے کا چمچ
نمک ----- ایک چٹکی
چینی ---- دو کھانے کے چمچ
تیل ----- تین کھانے کے چمچ
انڈا ----- ایک عدد
گرم پانی ----- حسب ضرورت
اورنج یا اسٹرابیری ----- حسب پسند
تیل ------ فرائی کے لیے
ترکیب:
میدے میں خمیر٬ نمک٬ چینی٬ تیل اور انڈا مکس کر کے ہلکے گرم پانی سے گوندھ لیں - تیل کا ہاتھ لگا کر گیلے کپڑے سے ڈھک کر رکھ دیں-
جب آٹا پھول جائے تو چھوٹے پیڑے بنالیں- ہتھیلی پر پیڑہ رکھیں درمیان سے دبا کر جام بھریں اور دوبارہ پیڑہ بنالیں-
گرم تیل میں ہلکی آنچ پر دو منٹ فرائی کریں دونوں طرف سے سنہری رنگ آجائے تو پلیٹ میں نکال لیں- سرونگ ڈش میں فرائی کیے ڈونٹ رکھیں اور اورنج جیلی کے ساتھ سرو کریں-

 

​

ڈان بریڈ چکن برگر


اجزاء:
ڈان برگر بن ----- دو عدد
مرغی کا قیمہ ----- آدھا کلو
بریڈ سلائسز ----- دو عدد
سیاہ مرچیں (کٹی ہوئی) ----- حسب ذائقہ
ہری مرچ ------ ایک چائے کا چمچ (باریک چوپ کرلیں)
پیاز (باریک چوپ کی ہوئی) ---- ایک کپ
لہسن (باریک چوپ کیا ہوا) ----- ایک چائے کا چمچ
انڈا ----- ایک عدد
کارن فلور ---- دو کھانے کے چمچ
نمک ----- حسب ذائقہ
مایونیز ----- ایک چوتھائی چائے کا چمج
ٹماٹر (سلائس کاٹ لیں) ---- ایک عدد
کھیرا (سلائسز کاٹ لی) ----- ایک عدد
سلاد پتہ (توڑ لیں) ----- ایک عدد
چیز سلائسز ---- دو عدد
تیل ---- فرائنگ کے لیے
ترکیب:
قیمہ دھو کر خشک کرلیں- چوپر میں بریڈ سلائسز اور قیمہ ڈال کر پیس لیں اور اس میں نمک٬ کٹی ہوئی سیاہ مرچیں٬ پیاز٬ ہری مرچیں٬ لہسن٬ انڈا اور کارن فلور ڈال کر اچھی طرح مکس کریں اور تھوڑی دیر کے لیے فریج میں رکھ دیں- بن کے سائز کے کباب بنا کر شیلو فرائی کریں-
بن کو درمیان سے کاٹ کے نچلے حصے پر مایونیز لگائیں- اس پر سلاد پتہ رکھ کر کباب رکھ دیں- کباب پر تھوڑی مایونیز لگا کر اور کھیرے کے سلائسز رکھ کر چیز سلائس رکھ دیں اور بن کا اوپری حصہ رکھ کر فرنچ فرائز٬ گارلک سوس اور کیچپ کے ساتھ سرو کریں-