رحمت کے موسموں کے پیمبر حضورﷺ ہیں ۔۔ مقصود علی شاہ

رحمت کے موسموں کے پیمبر حضورﷺ ہیں
بخشش، کرم، عطا کے سمندر حضورﷺ ہیں

دُنیائے ہست و بُود تھی امکانِ ہست و بُود
ایقاں نواز نُور کے پیکر حضورﷺ ہیں

جذبوں نے حرفِ شوق کے سارے سخن لکھے
لیکن فصیلِ نعت سے اُوپَر حضورﷺ ہیں

آتے رہے چراغ بہ کف منزل آشنا
سب رہبروں کے آخری رہبر حضورﷺ ہیں

جاں کو تپش تو ہے پہ نہیں دل کو بے کلی
دل کو خبر ہے شافعِ محشر حضورﷺ ہیں

چلتے تھے ساتھ ساتھ تمنا کے قافلے
نکہت نواز جسمِ معنبَر حضورﷺ ہیں

تن کے اُفق پہ اُن کی کرم بار طلعتیں
من کے نگار خانے کے اندر حضورﷺ ہیں

قطرہ ہُوں مَیں پہ بحر سے ہے میرا واسطہ
بَردہ ہُوں مَیں پہ سیّد و سرور حضورﷺ ہیں

سُن مہرِ حشر گیسوئے اطہر ہیں سائباں
سُن تشنگی کہ ساقئ کوثر حضورﷺ ہیں

جیسے وجود و جسم میں ہیں افضل البشر
ویسے ہی خَلقِ نور میں انور حضورﷺ ہیں

آنکھوں کو خوابِ غیر کی حاجت نہیں رہی
منظر حضور ہیں، پسِ منظر حضورﷺ ہیں

قلبِ تپاں میں اُن کے ہیں تذکار بار بار
لوحِ زباں پہ مدحِ مکرر حضورﷺ ہیں

جذبِ دروں کی دُھن پہ رواں ہُوں میں سُوئے خُلد
حامی حضور ہیں، مرے یاور حضورﷺ ہیں

شُکرِ خُدا کہ نطق کا مہبط ہے اُن کا اسم
حمدِ خُدا کہ حرف کے محور حضورﷺ ہیں

ماں باپ اور بچوں سے آگے وہ ذاتِ پاک
مقصود مجھ کو جان سے بڑھ کر حضورﷺ ہیں
-----
مقصود علی شاہ
Maqsood Ali Shah


​

 

رحمت کے موسموں کے پیمبر حضورﷺ ہیں
بخشش، کرم، عطا کے سمندر حضورﷺ ہیں​

 

آتے رہے چراغ بہ کف منزل آشنا
سب رہبروں کے آخری رہبر حضورﷺ ہیں​

 

جیسے وجود و جسم میں ہیں افضل البشر
ویسے ہی خَلقِ نور میں انور حضورﷺ ہیں​

 

آنکھوں کو خوابِ غیر کی حاجت نہیں رہی
منظر حضور ہیں، پسِ منظر حضورﷺ ہیں​

 

قلبِ تپاں میں اُن کے ہیں تذکار بار بار
لوحِ زباں پہ مدحِ مکرر حضورﷺ ہیں​

 

جذبِ دروں کی دُھن پہ رواں ہُوں میں سُوئے خُلد
حامی حضور ہیں، مرے یاور حضورﷺ ہیں​

 

ماں باپ اور بچوں سے آگے وہ ذاتِ پاک
مقصود مجھ کو جان سے بڑھ کر حضورﷺ ہیں​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین