:flor: رانجھا جوگیڑا بن آیا نی واہ سانگ رچایا نی ایس جوگی دے نین کٹورے بازاں وانگوں لیندے ڈورے مکھ ڈٹھیاں جانوں دکھ جھورے انہاں اکھیاں لال لکھایا نی رانجھا جوگیڑا بن آیا نی ایس جوگی دی ایہہ نشانی کن وچ مندراں گل وچ گانی صورت ایس دی یوسف ثانی ایس زلفوں احد بنایا نی رانجھا جوگیڑا بن آیا نی رانجھا جوگی تے میں جوگیانی ایس دی خاطر بھر ساں پانی ایویں پچھلی عمر وہانی ایس ہن مینوں بھرمایا نی رانجھا جوگیڑا بن آیا نی بلھا شوہ دی ایہہ گت پائی پریت پرائی شور مچائی ایہہ گل کیوںکر چھپے چھپائی نی تخت ہزاریوں دھایا نی رانجھا جوگیڑا بن آیا نی
جواب: رانجھا جوگیڑا بن آیا بہت خوب سین جی بوہت ودھیا کلام پوسٹ کیتا جے کوشش کرو کہ اے سارا آپ لخو ، کیوں کی امیج جیہڑا اے او سرچ اچ نئیں آؤندا
جواب: رانجھا جوگیڑا بن آیا کُجھ کرو سِر تے گھُپ ہنیر تے دھرتی اُتے کال پیریں کنڈے زہر دے لہُو وچ بھجے وال جتن کرو کُجھ دوستو ، توڑو موت دا جال . . پھَڑ مُرلی اوئے رانجھیا،کڈھ کوئ تکِھی تان مار کوئ تیر اوئے مِرزیا،کھچ کے وَل اَسمان
