رائیونڈ: 20 سالہ پاکستانی لڑکی نے 49 سالہ چینی باشندے سے شادی رچا لی

رائیونڈ: 20 سالہ پاکستانی لڑکی نے 49 سالہ چینی باشندے سے شادی رچا لی

رائیونڈ میں 20 سالہ پاکستانی لڑکی نے 49 سالہ چینی باشندے سے شادی رچا کر تین سال قبل ہونے والے پیار کو ساری عمر کے ساتھ میں بدل دیا ہے۔​

پاکستان سے تعلق رکھنے والی ثمرین اور چینی شخص وانگ شنقائی ایک ہی فیکٹری میں اکٹھے کام کرتے تھے اور وہیں دونوں نے ایک دوسرے کو اپنا جیون ساتھی منتخب کیا۔ ثمرین اور وانگ شنقائی تین ستمبر کو اوکاڑہ میں نکاح کے بندھن میں بندھ گئے، دونوں کے ولیمے کی رسم رائیونڈ میں ایک نجی شادی ہال میں منعقد کی گئی۔

وانگ اور ثمرین کی شادی کے بارے میں لڑکی کے والد کا کہنا ہے کہ وہ ان دونوں کی شادی سے بہت خوش ہیں اور یہ کہ وانگ شنقائی نے رائیونڈ میں واقع اپنا تین مرلہ مکان ثمرین کے نام کردیا ہے۔